Netken kúshti adam! Eki qoly men eki aıaǵy joq mıllıoner

4716

QOL-AIaǴY JOQ BATYL ADAM TÝRALY ǴAJAIYP ÓMIR OQIǴASY...

Tanys bolyńyzdar – Nık Výıchıch. Dúnıe esigin qol-aıaqsyz ashqan qaısar minezdi, órshil rýhty, álemge áıgili tabysty er-azamat.

Men, osyndaı oqıǵalardy bárimizge, ásirese, bostan-bosqa kúıinip, jumystaǵy máselelerge, jaqyndarymen oryn alǵan janjaldarǵa jáne basqa da kishigirim jaǵdaılarǵa baılanysty jıi renjip, depressııaǵa ushyraǵan deni saý adamdar úshin qaıta-qaıta oqý qajet dep oılaımyn...

Sonymen, Nık otbasynda kópten kútken tuńǵysh bala boldy. Alaıda, ony týǵannan keıin anasyna kórsetýge bas tartty, tipti medıına qyzmetkerleri de náresteniń qolsyz jáne aıaqsyz týǵanyna qatty tań qalǵan kórinedi...

Nıktiń sol aıaǵynyń ornyna tek “tabanǵa” uqsas birnárse bar edi. Osynyń arqasynda Nık júrýdi jáne júzýdi, jazý-syzýdy, tipti kompıýterde oınaýdy úırendi. Ol kádimgi qarapaıym avstralııalyq mektepke oqýǵa barǵan alǵashqy múgedek bala boldy.

Árıne, balaǵa ózin osylaı “qabyldaý” qıynǵa soqty, tipti ol segiz jasynda anasynan ózin sýǵa batyp ketýi úshin vannaǵa aparýyn ótindi. Biraq, ol olaı istemedi ... Ol ata-anasynyń ony qanshalyqty jaqsy kóretinin jáne olarǵa bulaı jasaı almaıtyndyǵyn elestetti. Bul onyń ózine qol jumsamaq bolýynyń alǵashqy jáne sońǵy áreketi edi.

Sodan keıin ol ómirdiń shyn mánin izdeı bastady. «Nelikten, biz bul ómirge keldik?» jáne «Bul ómirdiń maǵynasy ne?» degen suraqtar barlyq jasóspirimderdi mazalaıtyny sózsiz. Alaıda, bul «erekshe balaǵa» olarǵa jaýap izdeýdiń qandaı bolǵanyn elestetip kórińizshi!

On toǵyz jasynda Nık ýnıversıtette qarjylyq josparlaý boıynsha oqı bastady. Birde oǵan stýdentter aldynda sóz sóıleý usynyldy. Sóıleýdiń alǵashqy mınýttarynan keıin zaldaǵy barlyq qyzdar kózderine jas aldy... Nıktiń aıtqan sózi de, Nıktiń syrtqy kelbeti de olarǵa aıtarlyqtaı áser qaldyrdy.

Sahnaǵa shyqqan boıjetken Nıktiń sóılegen sózi onyń ómirin “ózgertkenin” moıyndady, óıtkeni eshkim oǵan osy ýaqytqa deıin ony jaqsy kóretinin jáne onyń ózi sııaqty ádemi ekenin aıtqan emes.

Búginde Nık 1 jyldyń tek eki aıyn ǵana úıde ótkizedi eken. Qalǵan ýaqyttary álem boıynsha motıvaııa berýge, adamdardy rýhtandyrýǵa josparlanǵan. Qazir ol kásibı spıker retinde barlyq jerde – túrmeler men mektepterde, qarttar úıinde jáne stadıondarda sóz sóıleıdi. Spıkerdi osy ýaqytqa deıin úsh mıllıonnan astam adam estigen. Onyń jetken jetistigi qarapaıym, sózderi túsinikti jáne eń mańyzdysy, ár adamnyń jany men júregine áser eteri sózsiz...

«Ómirde siz ózińizdi qulap bara jatqandaı sezinetin qıyn kezder bolady, jáne qaıta kóterilýge shamańyz jetpeıtindeı kórinedi... Sol kezde siz, mende ózi úmit bar ma dep tereń oıǵa batasyz... Meniń qolym da, aıaǵym da joq! Menińshe, men kem degende júz ret kóterilýge tyryssam da, qolymnan kelmeıtin sııaqty. Biraq, kezekti jeńilisten keıin men úmitimdi úzbeımin. Men, qaıta-qaıta tyrysamyn. Men, sizdiń «sátsizdigińiz» barlyǵynyń sońy emes ekenin bilgenińizdi qalaımyn. Eń bastysy, siz barlyǵyn qalaı «aıaqtaıtynyńyzda». Siz myqty bolyp, máreniń sonyńa deıin jetkińiz keledi me? Demek, siz kóterilýge qaıta ​​kúsh taba alasyz!»

 

Zarına ÁShIRBEK,

"Adyrna" ulttyq portaly

Pikirler
Uqsas jańalyqtar