8 naýryzda kimge, qandaı syılyq bergen durys?

1840

8 naýryz – Halyqaralyq áıelder merekesi. Bul meıramda barsha názik jandylar er-azamattardan, jaqyndarynan syılyq dámetetini sózsiz. Meıram jaqyndap sanańyzdy «kimge, qandaı syılyq syılaımyn?» degen suraq mazalasa, «Adyrna» ulttyq portaly kómektesedi.

Syılyq berýdi anańyzdan bastańyz. Analar qandaı syılyq bolmasyn balasynyń aq peıiline rıza bolady. Alaıda qaltańyzǵa qaraı anańyzǵa eń qajetti zatyn syılaǵanyńyz abzal. Odan bólek, shıpajaıǵa joldama, turmysqa qajetti zattar, kıim-keshek t.b. Sońǵy trendtegi syılyqtardyń biri – jaınamaz boksy. Gúl syılaý – mindetti. Al anańyz janyńyzda bolmasa jetkizý qyzmetimen qushaq gúlińizdi jóneltýińizge bolady. Eneńiz de sizdiń ekinshi anańyz. Óz anańyzǵa ne syılamaqshysyz, sol tizimnen eneńizdiń talǵamyna qaraı baǵaly syılyq tańdańyz.

Áıelińiz mereke merzimi jaqyndaǵanda astarlap ne alǵysy keletinin aıtýy múmkin. Sol sátte qaǵilez bolyńyz. Negizgi syılyq retinde gúl, kıim, sómke, túrli aksessýarlar(saǵat,syrǵa,alqa,saqına), átir bergen abzal. Sondaı-aq, jan-jaryńyzǵa romantıkalyq keshki as uıymdastyrsańyz nur ústine, nur bolatyny sózsiz. Qolyna qarajatyn berip «qalaǵan býtıgińnen kıim al» deseńiz, jubaıyńyz tipten qýanary haq. Qymbat syılyqtardy qaltańyz kótere almasa, bir kún boıy áıelińizge demalys jarııalap, úı jınap, óz qolyńyzben keshki as daıyndap qýantsańyz da bolady.

Ápkeńiz, sińili, qaryndasyńyzǵa táttilerden jasalǵan boks syılańyz. Telefon aksessýaryn(qulaqqap airpods, uıalysyna qaptama,qaltaly qýattaǵysh) syılaý da, olarǵa unary anyq. Bet kútimine arnalǵan boks(bıýtı boks), jýynatyn gel de aǵymdaǵy jyldyń taptyrmas dúnıesi.

       

Qurbyńyzǵa, dos qyzyńyzǵa qyzyǵýshylyǵy boıynsha syılyq syılańyz. Hobbıin bilseńiz, sol isine qajetti aksessýar nemese ózge zat. Birge ótkizgen esten ketpes estelikterge toly sátterińiz bolsa, foto-mozaıka qurastyryp tartý etseńiz bolady. Esimi jazylǵan bilezik, alqa da ádemi syılyq. Tipti bolmasa, ashyq hat pen shokolad syılasańyz da dosyńyzdyń kóńilinen shyǵary anyq.

 

Oqýshy bolsańyz muǵalimińizge gúlge arnalǵan vaza, kitap, qoıyn dápter, táttiler tola qobdısha syılańyz. Bastysy shynaıy kóńil men aq peıil.

Áriptes qyzǵa nemese bastyǵyńyzǵa ujymdyq estelik retinde kádesyı, jumysqa qajetti zattar, fıtneske nemese salonǵa sertıfıkat bergenińiz oǵan degen syılastyǵyńyzdyń belgisi bolmaq. Mereke aldynda kınoǵa, teatrǵa, túrli oıyn-saýyq ortalyǵyna aparsańyz da bolady.

Syılyq berý – kimdi bolmasyn qýantary ras. Dese de, eń bastysy shynaıy nıet pen ystyq yqylas.

Dına LITPIN,

«Adyrna» ulttyq portaly

Pikirler
Redakııa tańdaýy