Asharshylyq – halyqaralyq deńgeıde «genoıd» dep tanylsyn

10005
Adyrna.kz Telegram

«Aq jol» demokratııalyq partııasynyń XVI saılaýaldy quryltaıynda arnaıy baıandama jasaǵan partııanyń tóraǵasy Azat Perýashev «Asharshylyqty halyqaralyq deńgeıde zulmat dep tanýǵa» shaqyrdy dep habarlaıdy, «Adyrna» ulttyq portaly partııanyń baspasóz qyzmetine silteme jasap.

«Bıyl mamyr aıynda «Aq jol» demokratııalyq partııasy Prezıdent Q.Toqaevtyń stalındik qýǵyn-súrgin qurbandaryn aqtaý sharalaryn jalǵastyrý týraly tapsyrmasyna qoldaý bildirdi. Biz keńestik totalıtarlyq bıliktiń qazaq halqyna ádeıi jasalǵan asharshylyqty halyqaralyq deńgeıde zulmat dep tanýǵa shaqyrdyq. Bolshevıkter áskerleriniń kollektıvızaııa kezindegi júzdegen qazaq kóterilisterin janshyp basýyn, óz aýyldaryn qutqaramyn dep, basyn ólimge tikken batyrlardyń erlik isterin  qaıta qaraý kerek dep sanaımyz», -dedi partııa jetekshisi Perýashev óz baıandamasynda.

Qazaqtyń ótken tarıhynda saıası baǵasy áli kúnge deıin berilmeı kele jatqan oqıǵalar az emes. Solardyń biri «Aq jol» partııasy sóz etip otyrǵan asharshylyq oqıǵasy. Óz tarıhyndaǵy qara tańbaly oqıǵalaryna kóp el saıası baǵasyn áldeqashan berip qoıǵan. Ókinishke qaraı, bizdegi sonaý bir zulmat jyldar búginge deıin tarıhı, saıası ataýyn ala almaı keledi. Sonymen qatar jyl saıyn 31 mamyrda «Saıası qurbandardy eske alý» kúninde  qazaq qoǵamy eskertkishke gúl shoqtaryn qoıýmen ǵana shekteletini janǵa batady.

Asharshylyq qazaq dalasynda qolmen jasalǵan genoıd ekenine muraǵattaǵy qujattar dálel ekenine qaramastan, kúni búginge deıin mıllıondaǵan qazaqty ashtan qyrǵan sol zulmattyń saıası baǵasy berilmeýi qazirgi urpaqqa syn emes pe? Siz ne deısiz?

«Eń áýeli asharshylyq taqyryby bizdegi beti tutas ashylmaǵan taqyryptyń bir dep sanaımyn. Asharshylyqqa qatysty qanshama shyǵarma dúnıege kelgenimen, teńizge tamǵan tamshydaı ǵana bolýda. Nege? Óıtkeni derekti qujattardyń kóp bóligi reseılik muraǵattarda. Bizde osy asharshylyq týraly qundy shyǵarma dep tek Valerıı Mıhaılovtyń «Hronıka velıkogo djýta» shyǵarmasyn aıtýǵa bolady. Dál osyndaı salmaqty dúnıeler kóptep jaryqqa shyqsa, halyq arasynda keńinen tanylsa, mine, sol kezde ǵana jurt «bul qalaı?» dep suraý salar edi. Al qazir ekiniń biri qazaq dalasynda ashtyq jaılaǵanyn biledi, biraq onyń qalaı paıda bolǵanyn, qalaı júrgenin jete bile bermeıdi. Sonyń saldarynan da urpaǵymyz bul zulmat jyldardyń tarıhtaǵy tańbasyna asa mán bere bermeıdi. «Genoıd» dep baǵasyn berýdi suraıtyn urpaq kerek bizge»,- deıdi jas tarıhshy, zertteýshi Meıirjan Smaǵul.

Qalaı desek te, ótken aǵa býyn urpaqtyń azapty jyldary asharshylyq Qazaq tarıhynda óziniń saıası baǵasyn alatyn jáne sony talap etetin sát týǵany anyq. Bul rette «Aq Jol» partııasynyń mynadaı bastamasyn tek qana qoldaý kerek sııaqty, siz ne deısiz, qurmetti oqyrman?

Merýert HÝSAINOVA,

«Adyrna» ulttyq portaly.

Foto ashyq derekkózden alyndy.

 

Pikirler