Talaqshyl ımamǵa tosqaýyl joq pa?

2983
Adyrna.kz Telegram

Qazannyń 3 shi juldyzynda Qulsaryda, ortalyqta ornalasqan «Dáýlet» meıramhanasy janynda tosyn oqıǵa oryn aldy. Qoldarynda avtomat, alabajaq kıingen speslýjbanyń qyzmetkerleri jazyqsyz jandy ustap qolyna kisen saldy. Polıııa qyzmetkerleri Atyraý oblysy Ishki Ister Deartamentinen kelgen. Shamasy, 2-3 kún buryn kelip jemtiginiń qaqpanǵa túsýin tosyp jatqan syńaıly dep jazady Sarman MÁLIK Facebook áleýmettik jelisinde.

«Esterińizde bolsa, jaqynda áleýmettik jelige «Alaıaq ımamnyń áreketi» degen maqala keńinen taraǵan bolatyn. Maqalada Serikbaı esimdi azamat alaıaq ımamnyń aram pıǵyldy is-áreketin tolyq áshkerelegen. Maqala Aqtóbe oblysynda meshit ustap otyrǵan 27 jasar ımam Sabyrǵalıev Nurlybek jaıynda bolatyn. Ol ımam ózine chat ashyp alyp, boıdaq qyz-kelinshektermen áńgime-dúken, suhbat qurýdy ádetke aınaldyrǵan eken. Kózi túsken sulý qyzdardyń basyn aınaldyryp, toqal qylyp nekesin qıdyryp, kafelerden sýaryp, qonaq úılerge aparyp túnetip, sharýasyn bitirip, kóp keshikpeı talaq berip qutylyp kete beredi eken. Iaǵnı, zınany halaldandyryp júrgen alaıaq, zınaqor ımam kezekti sulýyn qushýdy josparlap Qulsary qalasyna da kelip jetken. Bul joly sur mergenniń jebesi Baıgýrshımov Rashıt esimdi azamattyń apasyn kózdegen eken. Ekinshi áıel qylyp alatyn bolyp qyzdyń áke-sheshesiniń ruqsatyn alǵan. Meshit ustap otyrǵan ımamǵa kim kúmán keltiredi?

R.Baıgýrshımov aǵaıyn týmalaryn jınap, mal soıyp, qonaǵasyn berip, álgi ımam men apasynyń nekesin qıdyrtqan. Nekesi qıylǵan ımam sol kúni Aqtóbege ketip qalyp, ertesi kúni nekelengen jaryna avtomatty túrde talaq bergen. Sebebi, qyzdyń aınalasy kóp eken, erteńgi kúni jaýapkerdiń suralatynyn sezgen ımam qýlyǵyn asyra almaıtynyn sezip Jylyoıdan tabanyn jaltyratqan. Bul abyroıdan aıyrý! Aǵaıyn-týma aldynda amanatqa qııanat jasaý, erdiń basyn jerge qaratý, mazaq etý! R.Baıgýrshımov Aqtóbe oblysy ókil ımamyna, keıin QMDB, mýftııatqa habarlasqan.

Bolǵan jaıttardy kórshisi Serikbaı áleýmettik jelige jarııalaǵan. R.Baıgýrshımov alaıaq ımamdy Qulsaryǵa shaqyrtqan. Imam shaqyrǵan jerine zorǵa degende kelip keshirim suraǵan. Aıyppulyna 1 mln tg beretin bolyp kelisken, qushaqtasyp qol alysqan. Jáne áleýmettik jelidegi ózi týraly shyqqan maqalany alyp tastaýyn suraǵan. R.Baıgýrshımov alaıaq Nurlybekti urmaǵan, soqpaǵan, tipti daýys kóterip zekimegen. «Iilgen basty qylysh kespeıdi» dep, keshirim bergen. Imam óz erkimen halyqtan, mýftııattan keshirim suraǵan, ol beınetaspany R.Baıgýrshımovke ózi túsirtken. Aqtóbege jetip alǵan ımam: «R.Baıgýrshımov meni uryp soqty, dostary jabyldy, aqsha bopsalady, qorqytyp beınetaspaǵa túsirdi» dep, Atyraý oblysy IID ne aryz jazǵan. IID alaıaq ımamdy óz qorǵaýlaryna alǵan. Araǵa ýaqyt salyp alaıaq ımam R.Baıgýrshımovke vatap arqyly habarlasyp, «aqshany bermeımin, birese beremin» dep R.Baıgýrshımovty ádeıi yzalandyrǵan.

R.Baıgýrshımov: «negizinde maǵan seniń aqshań qajet emes, 1 mln aqsha beremin dep aıtqan óziń, men tilińnen tartpadym, eń bolmasa ketken shyǵyndy óteseń boldy, bar aqshańdy «Hareket» qoryna aýdaryp jiber de, maǵan túbirtegin kórsetseń boldy» degen. Alaıda, alaıaq ımam polıııamen birigip, R.Baıgýrshımovty torǵa túsirýdi oılastyryp, kelisimshartqa otyrady. Alaıaq ımam R.Baıgýrshımovke: «sóıleseıik, habarlasaıyq, tıyndy berip tastaıyn» dep qaıta-qaıta baılanysqa shyǵady. R.Baıgýrshımov: «Hareket» qoryna salyp jiber nemese joq-jitikke ber» deıdi. Alaıaq ımam: «qolyńa berýdi jón kórdim» dep múláıimsı qalady. Sebebi, alaıaq ımamnyń sasyq júreginde úlken qýlyq, shaıtanı zulymdyq jasyrynǵan edi. Polıııalar alaıaq ımamnyń qolyna untaq qosylǵan kýpıýr aqsha berip, alaıaqty iske daıyndaıdy.

Sol oılaryn iske asyrmaq bolǵan birikken top R.Baıgýrshımovty «Dáýlet» meıramhanasy janyndaǵy «Mıatoǵa» shaqyrady. Oıynda dym joq R.Baıgýrshımov keledi. Alaıaq ımam R.Baıgýrshımovke polıııa daıyndaǵan 300 myń jalǵan aqsha usynady. R.Baıgýrshımov aqshany sanap alady. Dál sol kezde arnaıy tosyp, jasyrynyp daıyn turǵan speslýjbanyń qyzmetkerleri kelip R.Baıgýrshımovtyń qolyna kisen salady. Beınetaspaǵa túsirý arqyly manaǵy ózderiniń daıyndaǵan jalǵan aqshalaryn sanap, R.Baıgýrshımovty Atyraýǵa alyp ketedi. Istiń mán-jaıy osynaı. Bul taza qaqpan! Aldaý-arbaý arqyly eriksiz qolǵa túsirý! Jala jabý! Erteńgi kúni dál osy oqıǵany IID gi habarshylary burmalap turyp basqasha aıtyp, halyqty jalǵan aqparatqa sendiredi. QMDB quramynda dál osyndaı basyna sálde taqqan, ekijúzdi, arsyz agentter bastan asyp jyǵylady. Saq bolyńdar, aǵaıyn!»

P.S Jastarǵa túzý, ımandy jol kórsetedi dep sengen ımamdarymyz mynadaı áreketke baryp júrgeni ras bolsa, "Qudaıdyń bergen jazasy" demeske laj joq shyǵar. Bul qalaı? Ár qyzdy toqal etip, talaq etip taırańdaǵan ıamamnyń qoldaýshysy kim? Tıisti mekemeler men quzyrly organ ımamǵa qatysty osy máseleni baqylaýǵa alyp, anyq, qanyǵyn anyqtaıdy degen senimdemiz.

«Adyrna» ulttyq portaly.

Foto derekkózden alyndy.

Pikirler