Antalııadaǵy saıabaqqa uly Abaıdyń esimi berildi

526

Abaı Qunanbaıulynyń esimi endi Antalııa qalasynda sáýlet beınesinde máńgi saqtalady Sebebi uly oıshylymyzdyń týǵanyna 175 jyl tolýyna oraı shahardyń qaq ortasynda saıabaqqa Abaı esimi berilip, aqynnyń músini beınelengen eskertkish taqtasy ornatyldy.

Saıabaqtyń Antalııanyń Muratpasha aýdanynda ashylýy beker emes. Óıtkeni tap osy aýdandy otandastarymyzdyń basym bóligi mekendeıdi. Sondaı-aq Muratpasha – túrli mádenıetter men ulttardyń toǵysqan jeri.

Elimizdiń Túrkııadaǵy elshiligi, Antalııa konsýldyǵy, Qazaqstan jáne Eýrazııa halyqtarynyń dostyq pen mádenıet qaýymdastyǵynyń bastamasymen ótken sharada Abaı shyǵarmashylyǵynan belgili ólenderi oqylyp, án-kúıi shyrqalyp, kitaptary syıǵa tartyldy.

Antalııa turǵyndary men qonaqtaryna túrik tiline aýdarylǵan Abaı shyǵarmalary tartý etildi.

Aıta ketken jón, Túrik jurtynyń Abaı atamyzǵa degen yqylasy erekshe. Sondyqtan bolar, eldiń iri qalalaryndaǵy dańǵyldar men saıabaqtarǵa aqynnyń esimi berilip, Ankara men Ystambulda eskertkishi boı kótergen.

Abzal SAPARBEKULY, QR Túrkııadaǵy elshisi:

Túrki áleminiń uly perzenti Abaı – qazaq halqynyń temirqazyǵy. Sondyqtan Uly aqyn murasynyń baýyrlas elde erekshe dáriptelip jatqany – biz úshin úlken qýanysh. Sebebi qazir aıtyp júrgen ıntellektýaldy ult qalyptastyrý ıdeıasy Abaıdan bastaý aldy deýge bolady. Sondaı-aq Abaıdyń shyǵarmalaryndaǵy ıdeıasyn qazirgi zamanymyzdyń jol kartasy desek kem bolmaıdy.

Úmıt ÝISAL, Mýratpasha aýdany meri:

El men eldi, halyq pen halyqty Abaı sekildi ǵulamalardyń pikirleri jaqyndastardy. Sondyqtan eki baýyrlas jurt retinde saıabaqqa Abaı Qunanbaıulynyń esimin berý – qazaq jáne túrik halyqtarynyń rýhanı ári mádenı jaqyndyǵyn kórsetetin mańyzdy is-shara. Týystas urpaqtary retinde oǵan qurmet bizdiń boryshymyz.

"Adyrna" ulttyq portaly

Pikirler
Redakııa tańdaýy