Pompeo: AQSh Navalnyıǵa ý berý oqıǵasy boıynsha shara qoldanady

584

AQSh memlekettik hatshysy Maık Pompeo reseılik oppozııoner Alekseı Navalnyıǵa ý berý oqıǵasyna qatysty Vashıngton ustanymyn túsindirdi. Bul týraly ol Bild nemis basylymyna bergen suhbatynda aıtty, dep habarlaıdy Ortalyq Azııanyń jańalyqtar qyzmeti.

Pompeonyń málimdeýinshe, AQSh Alekseı Navalnyıǵa ý berý oqıǵasyn eskerýsiz qaldyrmaıdy, óıtkeni Vashıngton hımııalyq qarý qoldanýǵa bolmaıdy dep esepteıdi. Osyǵan oraı Pompeo AQSh-tyń 2018 jyly naýryzda Sergeı men Iýlııa Skrıpaldarǵa ý berý oqıǵasyna qatysty qoldanǵan sharasyn eske saldy.

Qurama Shtattar barlyq derekti jınaǵan soń soǵan sáıkes áreket etedi, dep málimdedi Pompeo.

Vashıngton Hımııalyq qarýǵa tyıym salý jónindegi uıymnyń qorytyndysyn kútip otyr.

Alekseı Navalnyı bıyl 20 tamyzda Omsk aýrýhanasyna aýyr jaǵdaıda tústi. 22 tamyzda ony Berlındegi "Sharıte" klınıkasyna jetkizdi. Germanııa bıligi oppozııonerdiń ýlanǵanyn málimdedi.

Reseı bıligi Navalnyıǵa ý bergen degen málimdemege kúmán keltirip otyr.

«Adyrna» ulttyq portaly

 

 

Pikirler
Redakııa tańdaýy