Soǵys ardageri atana almaı júr...

530

95 jastaǵy qarııa soǵys ardageri mártebesin  ala almaı keledi. Bul týraly «KTK» telearnasy habarlady. Fashısterge qarsy soǵys kezinde «rezervte boldym» degen Ábdibaı Toqmanbetov, artynsha japon soǵysyna attanyp, elge tek 1948 jyly oralǵan. Biraq oǵan tek «tyl ardegeri» degen mártebe berilgen.  Qarııanyń ózi muny daýlamaq emes. Tek artyndaǵy urpaǵy «Ardagerdiń eńbegi elensin» deıdi. Olar Reseıdiń Gatchın qalasyndaǵy muraǵattan onyń japon soǵysyna qatysqanyn rastaıtyn qujatyn da aldyrtqan eken. Alaıda is sodan árige jyljymaı tur.

Erik TOQMANBETOV, ardagerdiń uly:

«Ákemiz 1943 jyly qańtarda Japon jerine attanǵan. 1948 Vladıvostokqa qaıtady. Sóıtip oǵan «tyl ardageri» mártebesin beredi. Meniń bir túsinbeıtinim,  ákem 5 jyl boıy Japonııada júrse, jartysy Almaty oblysynda tylda júrgeni me?»

Ryskeldi Jaqaýbaev,  ardagerdiń  týysy:

«Bul kisi Qazaqstanda júrip eńbek etse, tyl ardageri deýge bolar edi. Biraq japon jerinde soǵysty ǵoı. Muny nege eskermeıdi?»

Masaq aýylyndaǵy aqsaqaldyń úıiniń mańdaıshasynda balalary ornatqan «Soǵys ardageri» degen taqtaısha tur.  9-mamyrda kóńildi kirbiń basatyny anyq. Eńbekshi qazaq aýdanyndaǵy qorǵanys isteri jónindegi organnan áli naqty áreket baıqalmaıdy. Endigi bar úmit Reseıdiń ortalyq muraǵatyna joldanǵan suranysta.

Ǵasyr jasaǵan aqsaqal bir japyraq qaǵazǵa bola óz baǵasyn ala almaı otyr. Biz adamdy joǵaltqanda ǵana qadirin bilemiz. Sony kútip otyrýymyz kerek pe? «Jaqsy adam edi» degendi nege ólgende ǵana aıtamyz?  Jaqsy ekenin, qurmetti ekenin tiri kezinde bilip, nasıhattap júreıik!

Aıaýlym ÁBILDA,

«Adyrna» ulttyq portaly

 

 

Pikirler
Redakııa tańdaýy