Máskeýde Qyrǵyzstannyń Reseıdiń quramyna kirýine qatysty túsinikteme berildi

1956

   Qyrǵyzstannyń Máskeýdegi elshiliginiń baspasóz qyzmeti burynǵy elshi Raıymqul Attokýrovtyń Qyrǵyzstanda Reseı quramyna kirý máselesi talqylanyp jatqandyǵy týraly málimdemesine túsinikteme berdi, dep habarlaıdy «Adyrna» ulttyq portaly.

Elshiliktiń habarlaýynsha, mundaı málimdemelerge eshqandaı sebep joq. Óz kezeginde, Attokýrov Reseı azamaty bolǵandyqtan, jeke tulǵa retinde óziniń pikirin bildirdi dep esepteıdi.

  • "Qyrǵyzstan basshylyǵy memleketimizdiń egemendigin, aýmaqtyq tutastyǵyn  jáne ulttyq múddelerdi qorǵaý jóninde nyq baǵyt ustanyp otyrǵanyn erekshe atap ótken jón. Bul rette Qyrǵyz-Reseı memleketaralyq qatynastary ózara qurmet,  túsinistik jáne qoldaý rýhynda qarqyndy damýda. Bizdiń halyqtarymyzdy ortaq tarıh pen Eýrazııalyq rýhanı qundylyqtar biriktiredi. Qyrǵyzstan men Reseı senimdi odaqtastar men strategııalyq áriptester bolyp tabylady", - delingen Qyrǵyzstan elshiliginiń málimdemesinde.

Sondaı-aq elshilik dıplomattardy kópshilik aldynda arandatýshylyq sıpattaǵy málimdemeler jasaýdan aýlaq bolýǵa shaqyrdy.

«Adyrna» ulttyq portaly

 

Pikirler
Redakııa tańdaýy