Bılik pen halyqtyń is-áreketindegi úndestik mańyzdy

361

Álemdi sharpyǵan koronavırýs indeti memleketterden ýaqtyly sharalar qabyldaýdy, joǵary jaýapkershilikti jáne tártipti talap etetinin kórip otyrmyz. Bul turǵydan alǵanda, elimiz proaktıvti áreket etip, josparly sharalardy kezeń-kezeńimen iske asyrýda.
Elimizde alǵashqy koronavırýs juqtyrý faktisi 13 naýryz kúni tirkelgen bolatyn. Prezıdent Q. Toqaev osy indettiń el aýmaǵyna taralýyna jol bermeý jóninde naqty uıymdastyrý sharalaryn qabyldaýdy 26 qańtarda, ıaǵnı 48 kún buryn tapsyrǵan eken.
Berilgen tapsyrmaǵa sáıkes Úkimettiń vedomstvoaralyq komıssııasy qurylyp, keshendi sharalardy júzege asyrýda.
Alǵashqy sharalardyń biri retinde indet oshaǵy sanalǵan Qytaıdyń Ýhan qalasynan azamattarymyz evakýaııalandy. Jolaýshylar úshin áýe, temirjol, avtobýs tasymaly toqtady. Indetten saqtaný joldaryn aqparattyq túsindirý jumystary da turaqty júrgizildi.
Aqpannyń ortasynda Prezıdent Q. Toqaev Mıýnhen qaýipsizdik konferenııasynda Dúnıejúzilik densaýlyq saqtaý uıymynyń (WHO) Bas dırektory T. Gebreıesýspen kezdesý ótkizip, atalǵan uıym men elimizdiń arasyndaǵy áriptestik, sonymen qatar koronavırýstyń taralýyna qarsy jumystarǵa qatysty ózekti máselelerdi talqylaǵan bolatyn.
Osy arqyly memleket óziniń indetpen kúreske aldyn ala daıyndalǵanyn kórsete bildi.
Bárimizge belgili 16 naýryzda Prezıdent el aýmaǵynda tótenshe jaǵdaı jarııalap, memleket radıkaldy sharalardy qolǵa aldy. Daǵdarysqa qarsy sharalarǵa 4,4 trln. teńge qarajat bólindi. Áleýmettik az qamtylǵan toptarǵa, tótenshe jaǵdaı ýaqytynda jumyssyz qalǵandarǵa, shaǵyn jáne orta bızneske, epedımııalyq kúrestiń aldyńǵy shebinde júrgen mamandarǵa qarjylaı qoldaý kórsetilýde.
Álemdik tájirıbe bılik pen azamattardyń arasynda ózara qoldaý, túsinistik, birlese áreket etý qajet ekenin anyq kórsetip otyr. Statıstıkalyq málimetterge qarasaq, indetti eń kóp juqtyrǵan alǵashqy on eldiń qatarynda Eýropanyń jeti memleketi bar. Koronarıvýstan orasan zor zardap shekken el – Italııa, búginde onda indetten qaıtys bolǵandardyń sany 12 myńǵa taıap qaldy. Italııa úkimeti aldyn alý sharalaryn der kezinde qabyldaǵanyna qaramastan, qoǵamda indettiń qaýpine qatysty tolyqqandy túsinik bolmaǵany aıtylýda. Búginde bul el tolyqtaı ızolıaııalanǵan jabyq aýmaqqa aınaldy.
Sondyqtan, bul indetpen kúreste bılik pen azamattardyń áreketi úndes bolýy shart.

 

Jasulanbek Maılybaı,
ekspert

Pikirler
Redakııa tańdaýy