"Keń bolsań, kem bolmaısyń..."

1317

Esimde, bala kezden úıden qonaq úzilmeıtin. Aýylda etene jaqyn turatyn kórshiler bir-birimen úıinde joq nárseni surasyp, tyǵyz baılanysta bolatyn. Úıge zat surap keletin balalardyń qolyn Anam eshqashan bos qaıtarǵan emes. Surap kelgeninen bólek, qoldaryn kámpıtke toltyryp jiberetin. Balalyq bolar, keıde ishtarlyqpen tátti berip jatqan kezde jaqtyrmaı qarap turatynmyn. Boıjete kele bul úrdisti men de sanama sińirip aldym. Bala uıada ne kórse, ushqanda sony iletini ras. Es kirgende Anamnan sonshama ýystap kámpıt bererdeı olar ne istedi dep suraıtynmyn. Sonda Anamnyń aıtatyny: "Qyzym, keń bolsań, kem bolmaısyń. Qyryqtyń biri – Qydyr. Úıge kelgen qonaqty qur qol qaıtarmaý – saltymyzda bar. Qonaq razy bolady. Bergen dúnıeńdi alyp ketkennen kedeılenip qalmaısyń, kerisinshe, úıdegi yrys, bereke kóbeıe túsedi. Keń bolsań, kem bolmaısyń"...

Ras... Biz ejelden keńdikti, qonaqjaılyqty súıer halyq edik qoı. Bizge ne boldy? "Ulttyń jamany bolmaıdy, adamnyń jamany bolady" deýshi edi... Ózge ultqa qushaq jaıa "qorǵan" bolǵanymyzben, óz jurtymyzǵa kelgende nege qattylyǵymyz ustap qaldy? Osyndaı qıyn-qystaý kezde aranymyz ashylyp, bir-birimizdi qanaýdan top jaryp jatqanymyz qaı sasqanymyz, baýyrlar?! Betin aýlaq qylsyn, ashtyq keldi me?! Nege munsha teksizdikke jol berip jatyrmyz? Ólim kelse de, aryn saqtar batyrlardyń urpaǵy edik qoı. Osyǵan kúıinem. Doǵaraıyqshy toıymsyzdyqty. Tektiligimiz úshin...

Jansaıa Sman,

"Adyrna" ultyq portaly

Pikirler
Redakııa tańdaýy