28 sanynyń qudireti

2155

(Maqala Ádemaý Tolysbaevaǵa arnalady)

 

Adam bitkenniń oı-sanasynda sóleket, qara sózden buryn san kósh bastap turady. Oǵan Pıfagor zamanynda jasalǵan taǵdyrnama kestesi, matematıka ǵylymy, nýmerologııa salasy tipten sanap túgese almaıtyn esep-qısap,  tıyn-tebennen turatyn, kádýilgi ómirimiz aıtpasaqta dálel.

Ásirese qazaq ulttyq tanymynda, (qazaǵyń ne) álem túsiniginde 1,2,3,5,7,12,13 sekildi sandardyń orny bólek. Máselenekı, qazaq 7 sanyn qasıetke telise, orys ulty 13 sanyn sátsizdikke balaǵan. Qytaılyqtar 4 sanyn bir sumdyqtyń belgisi dep sanap, atyń aıtýǵa tyıym salǵan. Tipten aspan asty eliniń azamattary 4 qabattyń óziń 3 a qabaty deıtin kórinedi.

Qyzyq, á?! 28 degende – jalǵyz-jarym súıenetinimiz sheksizdiktiń belgisine aınalǵan 8 sany. Odan basqa ilip alar ne ulttyq reń, ne ǵylymı tujyrym joq sekildi kórinedi. Alaıda 28 sanynda siz ben biz bile bermeıtin kıeli mán, jurt jasyrǵan qupııa jatyr.

Máselen, kıeli 7 sanyna deıingi sandardy bir-birine qossaq, 1+2+3+4+5+6+7=28 bolady eken. Qarap tursańyz, saýsaq býyndarymyzdyń da sany 28. Iaǵnı bul burynǵy 1 aıdyń uzaqtyǵyna teń. Osylaısha qazaq ǵulamalary 28 sanyn erek sanǵa balap, jaratylysqa saı óte dál, asqan sheberlikpen kúntizbe jasaǵan. Ol, ol ma? Sandardyń qadir-qasıetiniń qupııalary jaıly Quran Kárimdegi derekte 28 sanynyń máni «sheksiz», «qaıtý» dep bergen.

Al ata-babamyz sandyq júıeni árip arqyly meńgergen. Ol qalaı deseńiz, biz qoldanyp júrgen dybystyq tańbalarda, adamnyń dúnıege kelýdegi retin, ornyn alǵashqy árip arqyly kórsetýdi usynǵan. Áz babalarymyz usynǵan 1-A, 2-Á, 3-B, 4-G, 5-Ǵ, 6-D, 7-E, 8-J, 9-Z, 10-I, 11-I, 12-K, 13-Q, 14-L, 15-M, 16-N, 17-Ń, 18-O, 19-Ó, 20-P, 21-R, 22-S, 23-T, 24-Ú, 25-Ý, 26-U, 27-H, 28-Sh, 29-Y, 30-I  dybystyq tańbalarynda adamnyń týǵan kúnine qatysty ǵajap syr jatyr. Demek 28-de dúnıege kelgenderdiń ǵumyry «shyndyq», «shańyraq», «sheksizdik», «sheshim» sekildi uǵymdardan quralady.

Tipten adam ǵumyrynyń 3 kezeńiniń alǵashqysy 28 jasqa deıingi ǵumyr. Bul kezde adamnyń balalyq, bozbalalyq shaǵy artta qalyp, salıqaly kezeńge aıaq basady.

Al Qytaı ǵalymdary nýmerologııadaǵy óz boljamdaryn bylaı deıdi: 1 sany – ar men utys, 2 – jeńildik, 3 – ósý, 4 – ólim, 5 – joqtyq, 6 – baılyq, 7 – belgisizdik, 8 – órkendeý, 9 – kóp jasaý.

Iaǵnı qytaılyqtar 28 - nómerli úıge aqsha jeńil jolmen keledi dese, 58 órkendeýdiń, alǵa jyljýdyń joqtyǵyn bildiredi deıdi. Tipti 2828 nómerli úı tozyǵy jetip tursa da ony satyp alýshylardyń sanynda shek bolmaıdy eken. Sebebi 8 – qytaısha “fa” – «baılyq» (sáttilik, gúldený) degendi bildiredi. Sondyqtan osy sandardan turatyn telefon men mashına nómirleri sáttilik ákeledi dep senedi. Qytaılyqtar jaqsylyqqa yrymdap eki men segizdiń qatysýynan turǵan 8.08.2008 kúni keshki saǵat 8-de Pekınde 28-shy jazǵy Olımpıada oıyndaryn bastaǵan. Iá, qalaı tartsańda, 28-jaqsylyqtyń belgisi.

Qazaq halqy da qytaılyqtar sekildi matematıkamen tyǵyz baılanysty sala nýmerologııaǵa beı-jaı qaramaǵan. Mysaly aıdyń 28-de týsańyz: 2+8=10; 1+0=1.

1 sany. Egerde Sizdiń ǵumyr jasyńyzdyń bir kezeńi 1 sanyna tuspa-tus keletin bolsa, boıyńyzda senimdilik, bastan sóz asyrmaıtyn shamshyldyq sezimi bar. 1 sanynyń ıeleri únemi izdenip, talpynyp, ósý, jetilý ústinde ómir súredi. Aıdyń birinshi kúni me, aptanyń birinshi kúni me mańdaıyna 1 sany jazylǵandarǵa jaqsylyq syılaıdy. Osy kúnderi bir iske kirisseńiz, saparǵa shyqsańyz, sonyń bári sátti aıaqtalady.

Al ekinshi gıpoteza tómendegideı órbimek. Máselen, Siz 28.03.1975 jyly dúnıege kelseńiz: 2+8+0+3+1+9+7+5=35 3+5=8

Iaǵnı qazaq nýmerologtarynyń boljamy boıynsha ««8» sanynyń astynda jaryq dúnıege kelseńiz, qoldaýshyńyz Merkýrıı planetasy. Osy jebeýshilerińizdiń arqasynda qaltańyz toly aqsha, ómirde jolyńyz bolyp, úlken tabystarǵa qol jetkizesiz. Baı bola tura dúnıeqońyz, aqshanyń quly bolmaısyz. Eger jaqyn adamdaryńyzdyń basyna kún týsa, aldymen qol sozatyn ózińiz...»-deıdi.

Tipten eń tanymal tulǵalardyń týǵan kúni de 28 sanymen tuspa-tus keledi.

28 qyrkúıek – Muhtar Áýezov, Oralhan Bókeı, 28 aqpan–Jambyl Jabaev, 28 jeltoqsan–Qajym Jumalıev, 28 qarasha –Jumeken Nájimedenov, 28 qazan–Roza Rymbaeva, 28 naýryz–Ian Amos Komenskıı, orystyń ataqty jazýshysy Maksım Gorkıı jáne abyroıy asqaq HQTÝ niń bilikti mamany, abyroıly ustaz Ádemi Tolysbaeva, jas aqyn Batyrhan Sársenhan esimdi Táńirdiń tábárigine ıe bolǵandar dúnıe esigin ashqan.

Al búgin 28-naýryz–álemdik tarıhshylar kúni.

Iaǵnı ár adamnyń qarym-qabileti, qasıet-daryny, taǵdyry týǵan kúnimen tikeleı baılanysty. Eger siz, 28-de dúnıege kelgenderdiń qatarynan bolsańyz, ómirim tek baqyt pen shattyqtan turady dep oılaı berińiz.

Sebebi 28 sanynda siz bilmeıtin syr jatyr...

 

Aqgúl AIDARBEKOVA,

"Adyrna" ulttyq portaly

Pikirler
Redakııa tańdaýy