Dárigerlik qupııa qaıda?

1103

Búgin keshke áleýmettik jeli qatty  dúrlikti. Aty óshkir koronovırýs Shymkentten shyqty.
Bizdi  dárigerlik qupııanyń buzylyp, naýqastyń aty-jóniniń koronovırýspen birge áleýmettik jelini sharlaýy ashyndyryp otyr.
True story kz Telegram arnasynda Altaı men Atyraý arasyna lezde: "Ýdıvlıaet, chto ımıa shymkentskogo bolnogo Maýlen Kanat Myrzaqululy slılı po sosetıam, narýshıv vrachebnýıý taıný, no vıdımo drýgogo operatıvnogo sposoba naıtı kontaktnyh net. Zvonıte 1406, eslı vstrechalıs s nım.

@truestorykz. " - degen habar tarady.

Osy jazbanyń astyna odan ári " Pervyı dıagnostırovannyı slýchaı COVID-19 v Shymkente obnarýjen ý 24-h letnego parnıa, prıbyvshego 20 marta avtobýsom ız Nýr-Sýltana.

Sostoıanıe bolnogo sredneı tıajestı, dyhanıe oslableno. Nahodıtsıa v GIB Shymkenta.

V grýppe rıska medrabotnıkı, kontaktnye v sele Janatalap, mejdýgorodnem avtobýse ı kontaktnye v stolıe.

Rekomendaııa: zakryt Shymkent nao karantın.

@truestorykz" dep naýqastyń búkil málimetin salypty.

Keıbir áleýmettik jeli qoldanýshylary tolyq aqparatty jarııalaǵany durys degen pikir qaldyrýda.
Olardyń oıynsha, naýqaspen aralasqan adamdardy jyldam tabýǵa kómektesedi eken-mys.
Bılik halyqqa shynymen  jany ashysa Nur-Sultan men Almatyny halyqqa eskertpesten jabý kerek edi. Eki kúnnen keıin jabamyz dedi. Taǵy eki kúnge sozdy. Halyq bolsa "qashqaly turǵan qoıan edi, táıt degen soń ne sorymnyń" kebin kıdi.
Naýqasty qaladan jiberip alyp, artynan izdegenderi qaı sasqandary? Tájtajalmen aýyrdy degen naýqas Nur-Sultannan Shymkentke avtobýspen kelipti. Qalaǵa kirgen avtobýstar men kólikterdi nege tekserip kirgizbegen?
Ol balanyń aty-jónin aıtýǵa kim quqyq berdi? Dárigerlik qupııa qaıda qaldy? Qupııa aqparatty taratqandardy jaýapqa tartý kerek. Sol balanyń ornyna nemese týysynyń ornyna ózińizdi qoıyp kórińiz.
Gıppokratqa bergen ant qaıda qaldy? Dárigerlik qupııa boıynsha naýqastyń aty-jóni turmaq, dıagnozyn da jarııalaýǵa bolmaıdy. Keıbir aǵaıyn "aýyrǵandardyń attaryn atamasa halyq senbeıdi" degen pikirde. Sený-senbeý árkimniń erkindegi sharýa emes pe? Quzyrly oryndar jalǵan aqparat taratqandardy ǵana emes, oyndaı zańǵa qaıshy aqparattardy taratýshylardy da júgendegeni durys. Áıtpese, Eýropadan ushyp kelgen baı-baǵlannyń aty atalmaıdy da, qaladan aýylǵa avtobýspen jetkenderdiń aty-jóni nege ınternet sharlap ketýi kerek?
                                                                                                                                 Ońǵar Qabden,
                                                                                                         "Adyrna" ulttyq portaly

Pikirler
Redakııa tańdaýy