Qytaı elshisi: Vırýs endi jaıyla bastaǵanda nemen aınalystyńyzdar?

4118

Qazaqstandaǵy Qytaı elshisi Chjan Sıao Facebook áleýmettik jelisinde orys tilinde «Sizder vırýs endi jaıyla bastaǵanda nemen aınalystyńyzdar?» degen jazba jarııalady.

Negizinen, bul jazbany bir qaraǵanda bizdiń elge qarata jazǵan sııaqty kóringenimen, munyń AQSh-qa baǵyttalǵany anyq baıqalady.

 Qytaı elshisiniń renishke toly jazbasyn qazaq tiline aýdarǵandy jón kórdik:

Sizder vırýs endi jaıyla bastaǵanda nemen aınalystyńyzdar? Geosaıası oıyndarmen, ishki saıası máselelermen jáne Qytaıdy qaralaýdan basqa.  Qytaılar  búkil álemge jáne sizderge baǵaly ómirin berip jatqanda sizder altyn ýaqyttaryńyzdy bosqa ótkizdińizder.

Óz elderińizdegi Densaýlyq saqtaý salasyndaǵy sheneýnikterdiń indettiń aldyn alý jónindegi eskertýlerin «jalǵan» dep atap, jaǵdaıdyń baqylaýda ekendigin aıttyńyzdar. Al  qazir vırýs shtattardyń kópshiligin qamtyp, 40-tan astam adam qaza bolǵan kezde, bórikti aspanǵa laqtyrýdy qoıa salyp, birden abdyrap qaldyńyzdar.

Sonymen birge, óz ǵalymdaryńyz tumaýdan qaıtys bolǵan adamdardyń kópshiligi shyn mánisinde koronavırýstyń qurbandary ekenin ózderi rastady, sondyqtan, ólim-jitim sizderde áldeqaıda kóbirek. Sizderdiń statıstıkalyq málimetterińizde sý tym kóp. Qandaı tunyqtyq týraly aıtýǵa bolady? Sondyqtan sizderge degen senimsizdik sebepsiz emes.

Pandemııa vırýsyna qarsy tótenshe jaǵdaılardy qoldanyp, aramshópterdi julyp, tesikterdi biteýdiń orynyna, siz Qytaıǵa kináni artyp, vırýsty Qytaıdan shyqty degenińiz kúlkili ári qate bolyp shyqty. Asyǵys tujyrymdamalar adamǵa kúmán kóleńkesin týdyrady.

Ázirge vırýstyń qalaı paıda bolǵandyǵyn qoıa turaıyq, ol jóninde ǵalymdar aınalysady jáne shyndyq erte me kesh pe ashylady. Qazirgi ýaqytta, biz birneshe ret aıtqanymyzdaı, barlyq elder birigip, bir-birine jala jappaı jáne jaýapkershilik júktemesten osy vırýspen kúresýi kerek.

Kiná artýdyń qajeti joq. Sizderde maskalar, medıınalyq qolǵaptar, test synaqtary men qajetti jabdyqtar jetispeıdi, sonymen qatar, qor bırjasynyń quldyraýy – bul da Qytaıdyń kinási me? Sizdiń óz saılaýshylaryńyzdan jáne halyqaralyq qaýymdastyqtan kóptegen kúmándi jaǵdaılardy jasyrǵandyǵyńyzdy batyldyqpen moıyndaıtyn ýaqytyńyz keldi.

Aldyn alý sharalaryna salǵyrt qaraý saldarynan siz kóp ýaqyt joǵalttyńyz. Osy maǵynasyz oıyndardy jalǵastyrý jáne vırýsty saıasattandyrý eń nashar jaǵdaıǵa alyp keledi. Vırýs qorqynyshty, tipti álemdegi eń uly derjava onyń aldynda osal. Mynany máńgi este saqtaý qajet: Sý ishken qudyǵyńa túkirme...

Orys tilinen aýdarǵan: Jansaıa Sman,

«Adyrna» ulttyq portaly

Pikirler