"9 sportshy nege Tshanovtyń qurbanyna aınalý kerek?" - ata-analar

589

Almaty qalasyndaǵy Respýblıkalyq sport kolledjinde 4 aıdan beri daý -damaı bolyp keledi. Mádenıet jáne sport mınıstrligine qarasty oqý ordasynyń basshylyǵy "ishki tártipti buzdy" degen aıyppen 9 sportshy balany oqýdan shyǵaryp jibergen. Osy oqıǵaǵa baılanysty bir top ata-analar men sportshy balalardyń bapkeri "Adyrna" ulttyq portaly arqyly QR joǵary laýazym ıelerinen kómek surap otyr.

Ata-analar R. Kenenbaeva men S. Abdrahmanova "barmaǵan jerimiz, baspaǵan taýymyz qalmady. Kolledj dırektory Amalbek Tshanovqa mınıstrliktiń sózi ótpeıtin sııaqty", - deıdi. Sondyqtan da qoǵamnan, el aǵalarynan ádiletke jetýge járdem berse deıdi.

 

Balalardyń bapkeri Tólegen Tleýmuratov óz shákirtteriniń bolashaǵyna qatty alańdaıtynyn aıtady. Oqýdan shyǵarylǵan 9 bala halyqaralyq jarystar men el birinshilikterinde top jaryp júr. Tipti ulttyq quramanyń músheleri bar deıdi. Biz bapkerdi, sondaıa-aq, jattyǵý zalynda júrgen Turarova Nýrıza (Azııa chempıonatynyń kúmis júldegeri, el birinshiliginiń úsh dúrkin jeńimpazy) men Karımov Jasulandy (halyqaralyq jarystyń jeńimpazy) da áńgimege tartqan edik. Bolashaǵynan zor úmit kúttiretin jastar sport kolledjinen ketkennen keıin jattyǵý jasaý qıyndap ketkenin aıtady. Bapker Tólegen Tleýmuratov ta shákirtteriniń bolashaǵyna alańdaıdy.

"Adyrna" ulttyq portaly

 

Pikirler