QarMTÝ-ǵa Álimhan Ermektiń esimi berilýi tıis!

1740

QR Bilim jáne ǵylym mınıstri Ashat Aımaǵambetovtyń, Qaraǵandy qalasynyń ákimi Nurlan Erikbaıulynyń, Qaraǵandy memlekettik tehnıkalyq ýnıversıtetiniń rektory Marat Keńesulynyń nazaryna!

Álimhan Ábeýuly Ermek (1891 - 1970) — memleket jáne qoǵam qaıratkeri, qazaq arasynan tuńǵysh matematıka ǵylymynyń professory ataǵyn alǵan, «Uly matematıka kýrsy» oqýlyǵyn joǵarǵy tehnıkalyq oqý oryndary men pedagogıkalyq ınstıtýttarǵa arnap shyǵarǵan, Qazaq avtonomııasy shekarasynyń birtutastyǵyn janqııarlyqpen qorǵap shyqqan Alashordashy azamat. Daryny asqan bilimdi, aǵylshyn, nemis, franýz, ıtalıan tilderin jete bilgen sheshen, ótkir tildi, halyqqa qyzmet etýdi ózine paryz sanaǵan.
Álimhan Ermek 1924 -1925 jyldary Semeı gýbrevkom atqarý komıteti men josparlaý komıteti tóraǵasynyń orynbasary, 1925-1926 jyldary QazKSR Memlekettik josparlaý komıteti tóraǵasynyń orynbasary, 1926 jyly Qazaq pedagogıka ınstıtýtynda oqytýshy, jaratylystaný-matematıka fakýltetiniń dekany, Qazaq memlekettik pedagogıka ınstıtýtynda doent, 1932-1935 jyldary Qazaq mal dárigerlik ınstıtýtynda doent, professor, kafedra meńgerýshisi qyzmetin atqardy.

1935-1937 jyldary Qazaq taý-ken, metallýrgııa ınstıtýtynda professor, matematıka jáne teorııalyq mehanıka kafedrasynyń meńgerýshisi, 1938 jyly Kýıbyshev josparlaý ınstıtýtynda kafedra meńgerýshisi, 1947-1948 jyldary Shymkent tehnologııa ınstıtýty matematıka kafedrasynyń meńgerýshisi, 1955-1958 jyldary Qaraǵandy taý-ken ınstıtýtynyń aǵa oqytýshysy boldy. 1958 jyldan keıin ǵylymı-pedagogtik qyzmetten birjola shettetildi. Al 1930-1932 jyldary Almatyda 2 jyl túrmede otyryp, 1938-1947 jyldary repressııaǵa ushyrap, kóp azap shegedi. 1948 jyly qaıta qamaýǵa alynyp, 1955 jylǵa deıin temir torda otyrady. Osylaısha el men jerge qyzmet etip júrip, qaıratker 1970 jyly Qaraǵandy qalasynda dúnıeden ozady.
Osyǵan oraı, ultymyzdyń aqyl-oıyn jańa sapaǵa kóterýge ólsheýsiz úles qosyp, jas urpaqtyń sanasyna bilim dánin sepken Álimhan Ermektiń kelesi jyly kelip jeter 130 jyldyq mereıtoıyna oraı, Qazaqstandaǵy joǵary bilikti mamandardy daıyndaıtyn jetekshi oqý oryndarynyń biri, Qaraǵandy memlekettik tehnıkalyq ýnıversıtetine Álimhan Ermektiń esimi berilýin QR Bilim jáne ǵylym mınıstri Ashat Aımaǵambetovtan, Qaraǵandy qalasynyń ákimi Nurlan Erikbaıulynan, Qaraǵandy memlekettik tehnıkalyq ýnıversıtetiniń rektory Marat Keńesulynan suraımyz!

"Adyrna" ulttyq - etnografııalyq birlestiginiń ujymy

Pikirler
Redakııa tańdaýy