Pavlodar qalasynda dáris uıymdastyryldy

290

Adyrna - ulttyq-etnografııalyq birlestigi "Azamattyq bastamalardy qoldaý ortalyǵy" KEAQ-nyń ( CISC ) memlekettik granty aıasynda QR Aqparat jáne qoǵamdyq damý mınıstrliginiń qoldaýymen júzege asyrylý ústindegi "Dástúrli rýxanı qundylyqtardy qoldaý jónindegi jumystardy uıymdastyrý" jobasy boıynsha Pavlodar qalasynda dáris uıymdastyrdy.

Qazaq halqynyń baı ejelgi mádenıeti jónindegi dáris S. Toraıǵyrov atyndaǵy Pavlodar memlekettik ýnıversıtetinde júzege asty. Is-sharada ýnıversıtettiń professory Serik Elikbaı alǵashqy bolyp sóz sóılep, stýdentterdi qonaqtarmen qysqasha tanystyrdy.


Dáriskerler retinde dintanýshy, Máshhúr-Júsiptiń nemeresi, ataýly ýnıversıtettiń Máshhúr-Júsip ortalyǵynyń dırektory, Máshhúr-Júsip qorynyń prezıdenti Ertaı Qýandyquly jáne osy joldardyń avtory R.B. Súleımenov atyndaǵy Shyǵystaný ınstıtýtynyń kishi ǵylymı qyzmetkeri Arman Áýbákir jastardy óz elin súıýge, Otan qorǵaýǵa, ata-analaryn qurmetteýge shaqyryp, ǵylym-bilimge qushtarlyqty arttyrý, eńbekqorlyqqa baýlý, ulttyq qundylyqtardy áspetteý baǵytynda qundy áńgimeler aıtty.
Shara sońynda aqparattyq-tanymdyq býkletter taratylyp, jastardyń dáristi qanshalyqty túsingenin anyqtaý maqsatynda shaǵyn saýalnama júrgizildi.

"Adyrna" ulttyq portaly

Pikirler