Birlik – bereke bastaýy

191

8 qarasha  2019  j.   Qazaq ulttyq qyzdar pedagogıkalyq ýnıversıtetiniń shetel tilderin oqytý ádistemesi kafedrasy jáne Almaty qalasyndaǵy «Adyrna» ulttyq-etnografııalyq birlestiginiń uıymdastyrýymen   «Birlik –bereke bastaýy» atty mádenı-is shara bolyp ótti. Keshtiń  maqsaty:  Qazaqstandaǵy el birligi ıdeıasyn  nasıhattaý bolyp tabylady. Bul keshke Qazaq fılologııasy  jáne álem tilderi fakýltetiniń  dekany, f.ǵ.d., professor  J.K.Qıynova,  Qazaqstan kúrdileriniń «Barbang» assoıaııasy  prezıdenti, Halyqaralyq Joǵarǵy Mektep Akademııasynyń akademıgi,  f.ǵ.d., professor  K.I.Mırzoev,  «Adyrna»  ulttyq-etnografııalyq birlestiginiń   ókili Berdaly  Ospan, shetel tilderin oqytý ádistemesi kafedrasynyń meńgerýshisi, PhD A.M. Jalalova, kafedranyń oqytýshylary jáne Qazaq fılologııasy  jáne álem tilderi fakýltetiniń  stýdentteri men  magıstranttary qatysty.

Aldymen sharany shetel tilderin oqytý ádistemesi kafedrasynyń meńgerýshisi, PhD A.M. Jalalova mádenı-is sharany  ashyp berip,  kelgen qonaqtarmen tanstyrdy jáne mundaı is-sharanyń bilim alýshylarǵa berer taǵlymy zor ekenin túsindirip, sóz tizginin «Adyrna»  ulttyq-etnografııalyq birlestiginiń belgili jýrnalısti, mádenıettanýshy Berdaly Ospanǵa berdi. Berdaly Ospan óz kezeginde  Qazaq ulttyq qyzdar pedagogıkalyq ýnıversıtetiniń elimizdegi joǵary oqý oryndarynyń ishindegi  tek  qyzdardy  bilimmen sýsyndatyp  otyrǵan biregeı oqý orny ekenindigin atap ótti.

 

Ulttyq tárbıede qazaq qyzdarynyń róli erekshe ekenin aıta otyryp, ulttyq sanany jetildirýde bilimniń alatyn orny ushan teńiz ekenin atap ótti. Sodan soń, sóz tigini  Qazaqstan kúrdileriniń «Barbang» assoıaııasy» prezıdenti, Halyqaralyq  Joǵarǵy Mektep Akademııasynyń akademıgi,  f.ǵ.d., professor  K.I.Mırzoevke berildi. K.I.Mırzoev óz ómir jolymen tanystyra otyryp, birneshe jyldan beri  qazaq jerinde tatý-tátti turyp jatqanyn maqtanyshpen  aıtyp, Qazaqstandaǵy el birligi ıdeıasyn  nasıhattaı otyryp, ultaralyq qatynastyń durys  jolǵa qoıylýy, halyqtar dostyǵynyń nyǵaıýy, sonyń ishinde  bizdiń Qazaqstan sııaqty kóp ulttyń ókili turatyn, demokratııalyq jolmen damyp kele jatqan respýblıka úshin óte kerek dep kórsetti.

Qazaq fılologııasy  jáne álem tilderi fakýltetiniń  dekany, f.ǵ.d., professor  J.K.Qıynova da jastarǵa  osy mádenı is-sharanyń eldiń birligin, tutastyǵyn saqtaýda mańyzdy  jáne  jastardyń tanymdyǵyn arttyratyn  is-shara ekendigine   toqtalyp ótti.

Mádenı is-shara  sońynda stýdentter ózderin qyzyqtyryp júrgen suraqtaryn qoıyp, kesh qonaqtarymen óz oılaryn bólisti.

  Sadyqova R.K.

 

Pikirler