Soltústik Qazaqstanda ózge ult ókilderi qazaqsha óleń oqydy

217

QR Aqparat jáne qoǵamdyq damý mınıstrliginiń qoldaýymen Azamattyq bastamalardy qoldaý ortalyǵynyń ( CISC ) "Týǵan jer" granttyq jobasy boıynsha Adyrna - ulttyq-etnografııalyq birlestigi "Týǵan jerim - Qazaqstanym" atty baıqaýyn elimizdiń soltústik óńirlerinde ótkizip jatqan jaıy bar. Qyzyljar qalasyndaǵy Dostyq úıinde "Adyrna" ulttyq-etnografııalyq birlestigi men Qazaqstan halqy assambleıasynyń Soltústik Qazaqstan oblystyq bólimshesi birlese otyryp joǵaryda atalǵan baıqaýdy joǵary deńgeıde júzege asyrdy.

 


Baıqaýǵa orys, polıak, ýkraın, nemis, túrik, armıan jáne taǵy basqa ult ókilderi qatysty. 13 jas qatysýshy baıqaýda baq synap, úzdik shyǵýǵa baryn salyp patrıottyq shyǵarmalardy oqydy.

 


Onda Abaıdyń, Maǵjan Jumabaıdyń, Sáken Seıfýllınniń, Qasym Amanjoldyń, Farıza Ońǵarsynnyń jáne taǵy basqa qazaqtyń kórnekti aqyndarynyń óleńderi oqyldy. Tipti sahnalyq qoıylymmen óleń oqyǵan jastar da kezdesti. Arnaıy vıdeo-rolık jasap, fonǵa mýzyka qamdap, qazaq batyrynyń, hanshaıymnyń kıimin kıip erekshe daıyndalǵan eken. Oǵan qosa, úlken zal kisilerge lyq tolyp otyrdy, olar qatysýshylarǵa barynsha qoshamet kórsetip, belsendilik tanytyp, shabyttandyra tústi.

Soltústik Qazaqstandaǵy aımaqtyq uıymdastyrýshylarymyz Marııa Petrqyzy men Dınara Balǵabaıqyzyna, óńirlik BAQ ókilderine myń da bir alǵys aıtamyz!

 

 

"Adyrna" ulttyq portaly

Pikirler