Ózge ult ókilderi qazaq tilin dáripteýde

216

6 qarasha kúni saǵat 16:00-de QR Aqparat jáne qoǵamdyq damý mınıstrliginiń Azamattyq bastamalardy qoldaý ortalyǵynyń ( CISC ) "Týǵan jer" patrıottyq respýblıkalyq jobasy aıasynda Adyrna - ulttyq-etnografııalyq birlestigi men Aqmola oblystyq Qazaqstan halqy assambleıasymen birlesip ózge ult ókilderi arasynda "Týǵan jerim - Qazaqstanym" atty poezııalyq baıqaý uıymdastyrdy.

 

14-29 jas aralyǵyndaǵy jas ózge ult ókilderi qazaq aqyndarynyń el men jer, Otan taqyrybyndaǵy patrıottyq óleńderin mánerlep oqyp ózara básekege tústi.
Jeńimpazdar aqshalaı syılyqtarmen, dıplomdarmen marapattaldy.
Jalpy ataýly baıqaýda 20-dan astam qatysýshy baq synady. Olardyń basym bóligi orys ultynyń ókili boldy. Qatysýshylar Aqmola oblysynyń túkpir-túkpirinen jáne Kókshetaý qalasynan arnaıy kelip básekege tústi. Konkýrsanttardyń repertýarlary da óte baı boldy. Sáken Seıfýllın, Qasym Amanjolovtardan bastap búgingi Maraltaı, Qalqamandarǵa deıingi kóptegen aqyndardyń shoqtyqty shyǵarmalary oqyldy.

Jastar bir-birinen asyp túsýge tyrysyp, tamasha óner kórsetti. Onda Birjan sal atyndaǵy mýzykalyq kolledjdiń stýdentteri halyq ánderi men kúılerin oryndap, kórermen qaýymdy ulttyq mýzyka jaýharlarymen sýsyndatty. Ádebıet zertteýshisi, aqyn Erbolat Baıatuly, oblystyq "Arqa ajary" basylymynyń jýrnalısti Asylaı Aıjarıhova, Aqan seri atyndaǵy joǵary mádenıet kolledjiniń oqytýshysy Talshyn Moldaǵalı tárizdi kásibı mamandar qazylar alqasynyń quramynda tórelik jasady.

 


Is-sharaǵa qoldaý kórsetken Aqmola oblystyq Ishki saıasat basqarmasyna, Birjan sal atyndaǵy mýzykalyq kolledj dırektory Saıan Muhamedııarǵa, óńirlik BAQ ókilderine, qazylar alqasyna sheksiz alǵys aıtamyz!

 

"Adyrna" ulttyq portaly

Pikirler