Qostanaı qalasynda dáris uıymdastyryldy

255
Adyrna - ulttyq-etnografııalyq birlestigi "Azamattyq bastamalardy qoldaý ortalyǵy" KEAQ-nyń memlekettik granty aıasynda QR Aqparat jáne qoǵamdyq damý mınıstrliginiń qoldaýymen júzege asyrylý ústindegi "Dástúrli rýxanı qundylyqtardy qoldaý jónindegi jumystardy uıymdastyrý" jobasy boıynsha Qostanaı qalasynda dáris uıymdastyrdy.
Qazaq halqynyń baı ejelgi mádenıeti jónindegi dáris A. Baıtursynuly atyndaǵy Qostanaı memlekettik ýnıversıtetinde júzege asty. Is-sharada ýnıversıtettiń janyndaǵy Ekonomıka jáne quqyq ınstıtýtynyń dırektory, tarıh ǵylymynyń kandıdaty Tabýldınov Álibek Nurmaǵambetuly alǵashqy bolyp sóz sóılep, stýdentterdi ataýly jobamen qysqasha tanystyrdy.
Dáriskerler retinde dintanýshy, Qostanaı IID áskerı akademııasynyń oqytýshysy, tarıh boıynsha magıstr Danııar Ábenov jáne osy joldardyń avtory R.B. Súleımenov atyndaǵy Shyǵystaný ınstıtýtynyń kishi ǵylymı qyzmetkeri Arman Áýbákir jastardy óz elin súıýge, Otan qorǵaýǵa, ata-analaryn qurmetteýge shaqyryp, ǵylym-bilimge qushtarlyqty arttyrý, eńbekqorlyqqa baýlý, ulttyq qundylyqtardy áspetteý baǵytynda qundy áńgimeler aıtty.
Shara sońynda aqparattyq-tanymdyq býkletter taratylyp, jastardyń dáristi qanshalyqty túsingenin anyqtaý maqsatynda shaǵyn saýalnama júrgizildi.
Is-sharamyzdyń ótýine qoldaý kórsetken ýnıversıtettiń janyndaǵy Ekonomıka jáne quqyq ınstıtýtynyń dırektory, tarıh ǵylymynyń kandıdaty Tabýldenov Álibek Nurmaǵambetuly men sol oqý orynnyń Jastar isi jónindegi komıtettiń meńgerýshisi Álıev Orynbaı Tahırulyna sheksiz alǵys bildiremiz! 
"Adyrna" ulttyq portaly
 
Pikirler