Endi toı túngi 12-de aıaqtalýy tıis

255

Jambyl oblysynda endi toı keshki saǵat jetide bastalyp, túngi on ekide aıaqtalýy tıis. Bul erejeni oblystaǵy zııaly qaýym ókilderi usynypty. Bul oıdy qala azamattarynyń basym bóligi jappaı qoldaǵan, dep habarlaıdy adyrna.kz ulttyq portaly 31 arnanyń "Informbıýro" jańalyqtaryndaǵy málimetterdi negizge ala otyryp.

 

 

Jambyldyqtar toıǵa shekteý qoıyp jatqan bılikke narazy. Aıtýlarynsha, jetide jumystan shyǵyp, úılerine baryp, daıyndyq jasap, meıramhanaǵa kelgenshe toı aıaqtalyp qalady. Ol azdaı, toıdy ýaqytynan asyryp jibergeni úshin aıyppul arqalaý múldem aqylǵa syımaıdy deıdi halyq.

Toı keshki jetide bastalyp, on ekide aıaqtalady degen degen sóz Whatsapp jelisi arqyly taraǵan. Qazir elde joq jańa ereje jaıly jambyldyqtardyń basym bóligi estip úlgergen. Alaıda, olardyń pikiri eki jaqqa bólindi. Biri bul zańǵa qarsylyǵyn aıtyp, usynysty qoldaǵan bılikti jazǵyrsa, ekinshileri halyq toıǵa ýaqytyly keletin boldy dep qýanyp otyr.

Máselen, ádette toı keshki 7-ge belgilenedi. Ol ýaqytta shaqyrylǵan qonaqtar jumystarynan endi shyǵyp jatady. Olar daıyndalyp, toıǵa kelem degenshe birneshe saǵat ótetini ótirik emes. Al, erterek kelgen el jas jubaılardy nemese toı ıelerin saǵattap kútip otyrady. Qonaqtar tolyq jınalǵansha saǵat on bolady.

Bul usynys ótken aıda «Eldik elge baılanysty» atty qoǵamdyq forýmda aıtylypty. Oǵan jıynǵa jıylǵan jurt jappaı qoldaý bildirgen. Sondyqtan, jergilikti bılik ókilderi asabalar men meıramhana basshylaryn shaqyryp, túsindirý jumystaryn júrgizip jatyr eken. Al berilgen ýaqytta toı bitpese, jaryq sóndirilip, asaba men toı ıeleri aıyppul arqalaıdy degen bos áńgime deıdi. Aıtýlarynsha, ol áleýmettik jelide taraǵan jalǵan aqparat eken.

«Meıramhanada jumys isteıtin azamattar bar. Solardyń kóbisi, 80-90 paıyzy oqý oryndarynyń bilimgerleri. Olar, mysaly, erteńine sabaqqa barýlary kerek. Ádette, toı eki-úshte bitedi. Toıdan keıin meıramhanany jınap, úıine qaıtqansha saǵat tańǵy bes-alty bolady», - dedi Taraz qalasy ákiminiń orynbasary Kenjebek Oljabaı.

Ákimdik ókilderi bul eldiń qýanyshyn qyzǵaný emes, dańǵazalyq pen daraqylyqty boldyrmaýdyń amaly dep sendiredi. Sózderinshe, olar asabalardan bólek, ımamdardy da jıyp, qazada jyrtys taratyp, dastarqan jaıýjaıynda da aqyldasqan. Al eshbir elde joq erejege baǵyný ne baǵynbaý eldiń óz erkinde.

Pikirler