Depýtattar salyq tóleýden jaltaryp júrse, halyq qaıtpek?

516
"Májilis depýtaty Hahazov qazaqstandyq buqaralyq aqparat quraldary jaǵymsyz aqparat qana jazatynyn málimdegen edi. Men jýrnalıst retinde taǵy bir jaǵymsyz taqyrypty qosyp ketýdi uıǵardym. Májilistiń árbir tórtinshi depýtaty salyq tóleýden jaltaryp júr"- deıdi Djamılıa Marıcheva feısbýk paraqshasynda.

Kiris komıtetindegi derekter boıynsha eń úlken qaryz Vladımır Bojkoǵa tıesili.

1 qazanda múlik, jer, kólik, salyǵyn tóleý merzimi aıaqtalǵan bolatyn. Belgili bolǵandaı, Parlament Májilisi depýtattarynyń tórtten biri salyqty ýaqytyly tólemegen.

"Kiris komıtetiniń derekteri boıynsha, eń kólemdi qaryz Vladımır Bojkoǵa tıesili. Onyń memleket aldyndaǵy bereshegi - 234 948.87 teńge. Bul tizimnen Danııa Espaeva, Azat Perýashev jáne Bekbolat Tileýhandy kórýge bolady. Espaevanyń qaryzy 76 476 teńge bolsa, Perýashev - 183 456.41 teńge qaryz bolsa, Bekbolat Tileýhan 175 663 teńgeni ýaqytyly tólemegen.

Budan bólek, Baqtyqoja Izmuhambet, Muhtar Erman, Aıqyn Końyrov, Nurtaı Sabılıanov, Saýytbek Ábdirahmanov jáne taǵy basqa depýtattardyń salyq bereshegi bary anyqtaldy. Tómendegi tizimde Zaǵıpa Balıeva da bar.

1. Abdırov Nurlan - 133.00 tenge;
2. Abdrahmanov Saýytbek - 43 781.00;
3. Áltaev Nurjan - 3 556.83;
4. Amanjolova Záýresh - 19 042.83;
5. Ahmetbekov Jambyl - 24 244.34;
6. Balıeva Zaǵıpa - 3 590.46 tenge;
7. Bojko Vladımır - 234 948.87 tenge;
8. Erman Muhtar - 115 207.68 tenge;
9. Espaeva Danııa - 76 476 tenge;
10. Jabaǵıev Qojahan - 1 603.67 tenge;
11. Jamalov Amanjan - 13 326.73;
12. Zvolskıı Sergeı - 469.16 tenge;
13. Izmuhambetov Baqtyqoja - 147 177.27 tenge;
14. Imasheva Snejanna - 7 479.04 tenge;
15. Qaınazarov Ýálıhan - 294.65;
16. Qanybekov Sáken - 3 732.00;
17. Qonyrov Aıqyn - 109 656.39;
18. Kosarev Vladıslav - 869.40 tenge;
19. Myńbaı Darhan - 371.00;
20. Nurmanbetova Jamılıa - 3.67 tenge;
21. Perýashev Azat - 183 456.41;
22. Sabılıanov Nurtaı - 43 768.30;
23. Smırnova Irına - 1277.64;
24. Syzdyqov Turǵyn - 1523.15 tenge;
25. Tileýhan Bekbolat - 175 663.00;
26. Úmbetov Serik - 9 147.97.

Tizim 19.10.19 j. jańartyldy.

Aqparat kózi QR Memlekettik kirister komıtetiniń ashyq derekqorynan alynǵan.

107 depýtattyń 105-i tekserildi. Qandaı da bir sebeptermen júıede Ábdiqalyqova Gúlshara men Nyǵmatýlın Nurlan kórinbeıdi.

Bul depýtat Hahazovqa az ǵana mysal, bul BAQ-tyń ustanymyn aıqyn kórsetedi: eger siz salyqty ýaqtyly tólegende BAQ siz týraly jazbaıtyn edi,-deıdi.

Meniń alǵashqy basshym "Betiń qısyq bolsa, aınaǵa ókpeleme" degen máteldi jıi aıtatyn. Osy tizimge qarap, dál aıtylǵandyǵyna kózim jetip otyr", - dep jýrnalıst depýtattardy aıamaı synady.

Sonymen qatar, Jámılá Marıcheva dálel retinde salyqty ýaqytyly tólemegendigi jóninde sýretterin usyndy.

"Adyrna" ulttyq portaly
Pikirler