Jambyldaǵy pılottyq joba keler jyly barlyq aýyldy qamtıdy

699

El Úkimeti Jambyl oblysynyń ákimi Asqar Myrzahmetov usynysy boıynsha maquldanǵan pılottyq jobanyń paıdasy zor bolyp otyr. Sondyqtan bolsa kerek, aýyl halqynyń jaǵdaıyn jaqsartýǵa arnalǵan pılottyq joba keler jyly jalǵasyn tabatyn boldy.

Jambyl oblysy turǵyndarynyń turmystyq tabysyn jaqsartý maqsatynda on aýyldyq okrýgte qolǵa alynǵan jobanyń pılottyq kezeńi qyzý júzege asýda. Oblys ákimi  Asqar Myrzahmetovtyń aıtýynsha, keler jyly óńirdegi barlyq eldi mekender atalǵan jobanyń paıdasyn kóretin bolady.

Búginde Jambyl oblysy turǵyndarynyń turmystyq tabysyn jaqsartý jobasy jalpy óńir halqynyń arasynda keń qoldaýǵa ıe bolýda. Ilki jobaǵa engen on aýyldyq okrýgten bólek basqa da eldi mekenderdiń turǵyndary ıgi bastamaǵa qyzyǵýshylyq tanytyp, ol boıynsha jumys jasaýǵa joǵary nıetterin bildirýde.

Partııanyń aýdandyq fılıalynyń ǵımaratynda ótken qabyldaýǵa aýdannyń bes turǵyny qatysyp, kókeılerindegi ózekti saýaldaryn joldap, oramdy oı-pikirelerin ortaǵa saldy. Aıtalyq, Túımekent jáne Qyzyl juldyz aýyldyq okrýginiń turǵyndary Jomart Muhambetjanov pen Asylbek Ómirzaqov aýyldyqtardyń ál-aýqatyn arttyrýǵa baǵyttalǵan jobanyń mańyzdylyǵyna kóńil bólip, óz okrýgteriniń jobaǵa qashan enetinin surap, aýyldastary da joba aıasynda ter tógip, turmysyn tikteýge asyq ekenin jetkizdi. Túımekenttik Jomart Muhambetjanov aýyldastarynyń mal sharýashylyǵyna beıim, úı irgesindegi jerlerdi tıimdi ıgerip, eki aınalymda ónim alýǵa daıyn ekendigin aıtyp, tek qoldaý bolsa degen nıetin bildirdi. Al, qyzyljuldyzdyq Jomart Muhambetjanov óz okrýginde kooperatıv quryp, tıisti jumystardy bastap ketkenin aıtty.

Asqar Myrzahmetov jobanyń búginde pılottyq rejımi júzege asyp jatqanyń atap ótip, tıisti qarajat qarasha aıynyń basynda túsetinin tilge tıek etti. On aýyldyq okrýgtegi pılottyq joba óz nátıjesin berse, keler jyly óńirdegi barlyq eldi meken túgeldeı qamtylatynyna nazar aýdartty. Sondaı-aq, óńir basshysy jaýapty tulǵalarǵa barlyq aýyldyq okrýgterdiń jobaǵa daıyndyǵyn barlap, pysyqtaýdy búginnen bastaýdy, ol úshin jumys josparyn ázirleýdi tapsyrdy.

Qoǵamdyq qabyldaýǵa jazylǵan ózge de tulǵalar túrli áleýmettik máselelerdi kóterdi. Sarykemer aýylynyń turǵyny, zeınetker Qydyráli Oralov turǵyn úı salý úshin jer kezeginde turǵandardyń ótinishin bildirip, jer telimderin berý máselesin sheship berýdi surady.

«ADYRNA»

ulttyq portaly

Pikirler
Redakııa tańdaýy