Berik ÝÁLI: N.Nazarbaev ómir boıy el basqarady

1552

Keıbir Buqaralyq aqparat quraldarynyń ókilderi maǵan Memleket basshysynyń 2019 jyldyń 9 qazanyndaǵy «Qazaqstan Respýblıkasy Prezıdentiniń keıbir aktilerine ózgertýler men tolyqtyrýlar engizý týraly» Jarlyǵyna túsindirme berý jóninde ótinish jasady.
Osy qujat BAQ betterinde túrli paıymdar men pikirler týǵyzdy. Meniń oıymsha, bul Prezıdenttiń «kezekti» Jarlyǵy. Bul qujatqa 2018 jylǵy shildede qabyldanǵan Qaýipsizdik keńesi týraly jańa zańnyń erejelerine sáıkes qol qoıyldy. Atalǵan alqaly organnyń ókilettiligin kúsheıtý zańǵa sáıkes qarastyrylady. Al ony Qazaqstannyń Tuńǵysh Prezıdenti – Elbasy N.Nazarbaev ómir boıy basqarady.
Memlekettiń laýazymdy tulǵalaryn taǵaıyndaý týraly kelisim tártibi is júzinde Prezıdenttiń barlyq kadrlyq máseleler boıynsha óz betinshe sheshim qabyldaýyna kedergi keltirmeıdi. Elbasynyń ózi «Habar» telearnasyna bergen suhbatynda: «Toqaev menimen aqyldasady. Biraq ózi sheshim qabyldaıdy» degen bolatyn. Prezıdent Konstıtýııa boıynsha elimizdiń Joǵarǵy Bas qolbasshysy jáne ol Úkimetti jasaqtaıdy. Memleket basshysy – oblystardyń jáne respýblıkalyq mańyzy bar qalalardyń ákimderin jergilikti máslıhattardyń kelisimderimen taǵaıyndaıtyn joǵary laýazymdy tulǵa. Sondaı-aq Prezıdenttiń quzyreti Qazaqstan Respýblıkasy Konstıtýııasynyń 40-48 baptarynda anyq kórsetilgen.

Pikirler