«Atańnan mal qalǵansha, tal qalsyn...»

135

Týǵan jer ár adamǵa ózinshe ystyq. Kindik qany tamǵan týǵan jerdiń mereıin ústem etip, ony kórkeıtý ár jannyń oıynda júretin maqsattyń biri. Egemen elimizdegi jastardyń óz týǵan jerin kórkeıtýge at salysyp jatqandyǵyn kórgende bolashaǵymyzdyń jarqyn ekendigine kóz jetkizemiz. Osy oraıda Jambyl oblysy, Jýaly aýdany, B.Momyshuly aýyly aýylynyń týmasy, jas kásipker Quralov Medettiń óz týǵan jerine jasaǵan ıgi isterin aıtsaq, artyq etpes. Qazaqta «Atańnan mal qalǵansha, tal qalsyn» degen jaqsy sóz bar. Osy sózdi boıyna sińirip ósken jas kásipker aýylynyń gúldenýi úshin óz úlesin qosqan. Aýyldaǵy qaraýsyz qalǵan saıabaqty retke keltirip, halyqty jemisimen qýantar alma aǵashtarynyń ósýine qolaıly jaǵdaı týǵyzdy. «Elimizdiń kórkeıýi úshin ár adam óz týǵan jerinen bastasa, bul da bir úlken kómek. Týǵan jerimniń damýy men úshin asa mańyzdy», - deıdi jas kásipker. Jas kásipker Quralov Medettiń bul ıgi isi kóptegen jastarǵa úlgi bolarlyq is. Kásibin ıgi isten bastaǵan jas kásipkerge aldaǵy ýaqytta sáttilik tileımiz! Eńbegińiz jana bersin degimiz keledi!

(Azamattyq bastamalardy qoldaý ortalyǵynyń tapsyrysymen "Týǵan jer" jobasynyń aıasynda jazyldy)

Pikirler