No Borat! Bul Qazaqstan!

148

 

Dana babalarymyz: «Atyń barda jelip júrip jer tany, asyń barda berip júrip el tany» - degen támsildi beker aıtpaǵan ǵoı. Onyń mán-maǵynasy jıhan kezip, el tany, kóziń ashyq, kókiregiń oıaý azmat bolyp qalyptas degenge saıady. Sonaý ushqan qustyń qanaty talatyn Altaıdan Atyraýǵa deıingi atyrapty atpen joryq jasaı júrip sharlap, bizge amanattap ketken. Sol qıyn qystaý kezeńniń ózinde qys qystaý, jaz jaılaý bolarlyq jer izdep, shartarapty sharlap, talaı jerdiń dámin tatqan jaryqtyqtar... Onyń janynda qazirgi tehnıka men tehnologııanyń qaryshtap damyǵan zamanynda álem keremetteri men tabıǵat tańǵajaıyptaryn tamashalamaý úlken kúná dep bilemin.

Óz basym, jasymnan ata-áje qolynda óskendikten be?! Bilmeımin, áıteýir tabıǵatqa etene jaqyn, aınaladaǵy qubylystarǵa qyzyǵýshylyǵym erekshe boldy. Jasymnan sportty serik etip, bilim alýdyń mańyzdylyǵyn erte túsinip jıi aýdan, oblys, sál keıinirek respýblıka deńgeıine deıingi túrli sporttyq jarystar men ıntellektýaldyq saıystarǵa qatysa júrip kóp jerdi araladym. Keıinirek, aranym ashylyp shetelge shyǵýdy maqsat tutyp tetikterin izdeı bastadym. Kúlkili bolar, dese de alǵash shyqqan shetelim ol – kórshiles Qyrǵyzstan edi))) Sonyń ózi men úshin bir tolqynyspen ótti. Ataqty Dordoı bazaryn tórt orap, qalǵan ýaqytymdy Bishkektiń ortalyǵyn aralaýmen ótkizgendigim búgingideı kóz aldymda. Sodan beri seńniń aýzy buzylǵandaı kezegimen Reseı, Ýkraına, Belorýssııa, Polsha, Chehııa, Germanııa, Avstrııa, Slovakııa sekildi Eýropanyń jartysyn aralap úlgerdim...

Atam qazaq: «Kóp jasaǵannan emes, kóp kórgennen sura» - degendeı, osy Otanym saǵan aıtamyn aıdarynda estigen emes, bastan keshirgen bir oqıǵany aıtaıyn. Ol osy saıahatpen, sheteldikterdiń ortaq Otanymyz Qazaqstan jaıly oılarymen, áserlerimen baılanysty. Máselen, bizder, ıaǵnı qazaqstandyqtar ózge eldiń atyn estigende sol eldiń gúldengen qalasy, kóz tartar tabıǵaty, tarıhı eskertkishteri, aldyńǵy qatarly joǵarǵy oqý oryndary tipti, sol elden shyqqan ataqty adamdary arqyly tanıtynymyz jasyryn emes. Mysalǵa Franııa dese Parıj, Lývr, Eıfel munarasy, Napoleon Bonopart, Zınedın Zıdan eske túsedi, Anglııa dese London, Kembrıdj, Býkıngem saraıy, Elızaveta patshaıym, Shekspır, Devıd Bekhem jáne t.b.Sol shetel aralap, Eýropa kezgen kezimde kóz jetkizgen anyq aqıqatym bizdiń elimizde geografııa pánin jaqsy úıretedi nemese bizdiń el tanýǵa, jer tanýǵa degen yqylasymyz erekshe. Óıtkeni, jasymyzdan globýsty shyr aınaldyryp, kartadan elderdiń astanasyn jarysa tabýshy edik. Sodan bolar kóp memlekettiń jerin, tarıhyn olardan jaqsy biletindeımiz. Al sol sheteldikter bizdi qalaı tanıdy eken degen suraq kókeıimnen ketpeı júrgen. Sol suraqtyń jaýabyn Chehııada júrgende tapqandaı boldym, ári eki ushty pushaıman kúı keshtim...

Praga. Ol kezde kóktem edi. Qazaqstannan bir top magıstranttar sheteldik taǵylymdamadan ótip júrgen kezimiz bolatyn. Stýdenttiń ómirin ózderińiz bilesizder sabaqtan qoly qalt etse, beıtanys jerlerdi aralap, jańa nárselerdi tanyp bilýge umtylady.

Apta kúniniń sońynda qolyma elimizdiń kók baıraǵyn qysa ustap, Praganyń ortalyq kósheleriniń birine tarttym. Ondaǵy basty maqsatym, Eýropa tórinde chehtardyń Ulttyq Murajaıynda saqtalǵan Aqymbet atty babamyzdyń terisin kózimmen kórip qaıtý bolatyn. Aqymbet degen kim degenge kelsek, ol mońǵol generalynyń qolynan qaza tapqan, ári terisi tirideı soıylyp alynǵan batyr babamyz. Ol kisiniń tarıhy týraly zamanymyzdyń zańǵar jazýshysy Muhtar Maǵaýın «Kesik bas, hám, tiri tulyp» degen 100 bettik shyǵarma jazǵan. Óz basym, tehnıkalyq oqý ordasynda tálim alsam da týǵan eldiń tarıhy men ádebıetin túgendeı júretin janmyn. Sol ádetim boıynsha Pragadan Muhtar aǵany da izdep, suhbattas bolyp keteıin dep edim, ókinishke oraı ol kisi jumys babymen Vashıngtonǵa qonys aýdarypty. Endigi jalǵyz maqsat, Eýropa tórinde turǵan Aqymbet atamyzdyń tirideı soıylǵan terisin kórip ketý boldy.

Ortalyq Ulttyq murajaıdy tez taýyp alǵanymmen ishine kire almadym. Sebebi ol murajaıdy úsh aı kólemine kúrdeli jóndeýge jaýyp tastaǵan eken. Ne jazýshynyń ózimen kezdese almaı, ne jazýshynyń shyǵarmasyna arqaý bolǵan keıipkerdi kóre almaı ishteı qapa boldym. Endigi jalǵyz jubanysh Ulttyq murajaı aldynda estelik sýretke túsý ǵana qaldy. Sol oımen kók baıraqty jelbiretip, kezdesken bir týrıstke sýretke túsirip jiberýin ótindim. Kók týym qolymda jelbirep, sýretke túsip jatsam. Qasymnan biri boıshań, ekinshisi alasalaý eki týrıst ótip barady eken. Shamasy, aǵylshyndar sııaqty... Biri meniń qolymdaǵy kók týdy kórip:

  • O, Kazakhstan! – dep boıshańdaýy baıraǵymyzdy tanyp tańdaı qaqty. Sol kezdegi meniń júzimdegi qýanyshty kórseńizder. Tóbem kókke bir eli jetpeı qaldy... Ile shala janyndaǵy alasalaý kelgeni:
  • Borat… - dep kóńilimdi sý sepkendeı basty. Alǵash ret sheteldikterdiń aýzynan Otanymyzǵa myń qaınasa sorpasy qosylmaıtyn Boratty bizge telý azýymdy týǵyzdy. Esimdi tez jıyp, dereý arttarynan:
  • Excuse me sir! Wait just a minute, please. – dep ekeýin toqtatyp aldymda:
  • Sir, what do you know about Kazakhstan? – suraq qoıdym. Aıaq astynan ekeýi ne derin bilmeı sasyp qaldy. Men de búkil emoııammen Otanymyz Qazaqstan jaıly jattaǵan aǵylshynsha topıktardan:
  • Kazakhstan is located in the heart of the Eurasian continent. Its territory occupies 2, 724, 900 square kilometers. It is the CIS’ second and world’s ninth largest country. The Kazakhstan territory is larger than the twelve countries of the European Union!Do you know about it? – dep ekeýi de sasyp qalyp:
  • I am sorry, we do not know… - depbastarynshaıqady. Men odan ary:
  • Kazakhstan is home to about 120 ethnic groups and nationalities. Kazakhstan is possessed of various minerals. From 105 elements of Mendeleyev table in the bowels of Kazakhstan 99 elements are revealed; explored supplies of 70 elements; in production it is involved more than 60 elements – depelimiz jaıly aýyz toltyra aıtyp jatyp:
  • What kind of famous people of Kazakhstan do you know?For example, N.A. Nazarbaev - is an influential, authoritative politician who is respected around the world. Triple G - is a Kazakhstani professional boxer who currently holds the unified WBA, WBC, IBF, and IBO middleweight titles. And you tell me about some kind of Borat (aýdarmasy: sen maǵan qaıdaǵy bir Borat týraly aıtasyń)… - dep edim, ekeýi de meniń ne úshin ashýlanǵanymdy túsinip, alasa boılysy:
  • I’m sorry my friend. I did’t know about it… - dep keshirim suraı bastady. Aıtaryn aıtyp alyp, keshirim suraǵanyna men de tóze almaı:
  • The Kazakhs have such a proverb … - depbastap, qazaqtyń maqalyn aǵylshynshaǵa aýdara almaı, janym murynymnyń ushyna keldi. Sodan qaıdan shyqsa, onnan shyqsyn dep:
  • The Kazakhs have such a prover: «Aıtylǵan sóz, atylǵan oq» - aǵylshyndar tańyrqaı, suraýly júzben:
  • What? – dedi. Men de tilimdi tisteı:
  • Nothing, never mind. Sorry. Ok… Good bye! – dep qoshtasyp qala berdim.

Ishim alaı dúleı, sol sátte eń alǵashqy ret aǵylshyn tilin meńgermegenime ókindim. Óıtkeni, sonyń aldynda ǵana tilimniń qysqalyǵynan, sheteldikterge óz elimiz jaıly keń maǵlumat pen tyń aqparat jetkize almadym. Ishimde talaı sóz ólip ketti... Átteń, tonnyń keltesi-aı...

 

Juldyz Jabyqbaı 

 

Pikirler