Jibek joly boıyndaǵy shamshyraq!

100

 

Sholpan juldyz sııaqtanyp tańdaǵy,
Samaladaı jarqyraǵan shamdary,
Kóktemede kóz jaýyn ap gúl shahar,
Gúlzar baqqa aınalady jan-jaǵy.

Jaryp shyqqan báısheshekteı qar astyn,
Syry tereń tarıhyma jol ashtym.
Arda uldaryń aqınaǵyn qaıraǵan,
Asaý, aqjal tolqynyna Talastyń.

Áz basynan Qydyr qashyp, baq kóship,
Ýyz jasqa fánı-dúnııa japty esik.
Aısha arýdyń pák sezimin qundaqtap,
Qushaǵynda terbep jatqan aq besik.

Aıaýly sát-eljireıtin et-júrek,
Jas jubaılar sonda berer sertti kep.
Jalǵastyryp eki dúnıe arasyn,
Tekturmas tur tóbesimen kók tirep.

Degen elmiz irgemdi jaý buzbasyn,
Qart tarıhtan bizge jetken syr basym.
Peri náttes perızattar móldirep,
Shyńǵyshannyń tańǵaldyrǵan júzbasyn.

Haýyzynan áýen aǵar tamshylap.
Sansyratsa saǵan baram san suraq,
Jan-jaǵyna sáýle shashyp turatyn,
Jibek joly boıyndaǵy shamshyraq.

Bastan keshken san surapyl synaqty,
Ásem shári atsyn tańyń shýaqty.
Zaý bıikte tura bershi, Tarazym-
Azııanyń altyn táji sııaqty!

 Anel Torekýlova

Pikirler