Qytaıdan qashqandar "Saıragúl isin" bilse kelmes edi

167

14 qazanda Qaster Musahanuly men Murager Álimuly Almatydaǵy adam quqyǵy bıýrosynda baspasóz máslıhatyn ótkizip, Qazaqstannan bosqyn mártebesin suraıtyndaryn aıtty. Osy jıynnan shyǵyp, olar Almaty qalalyq kóshi-qon polıııasyna bet aldy. Qytaı qazaqtary aryz jazbas buryn túski as ishpek bolyp sol mańdaǵy ashananyń birine kirgen boıda Shekara qyzmetiniń ókilderi kelip, olardy ustap áketken. Ustaǵanǵa deıin Qaster men Muragerdiń qasynda bolǵan "Atajurt eriktileri" uıymynyń ókili Gúljan Toqtasynqyzy "arnaıy qyzmet ókilderin bir mınýtqa da toqtata almadyq" deıdi.

- Qaster Musahanuly men Murager Álimulyn ózderin "shekara qyzmetiniń qyzmetkerimiz" dep tanystyrǵan úsh adam kelip, qujatqa qol qoıasyzdar dep májbúrlep áketti. Advokaty kelsin desek te kónbedi. Jaraıdy, kishkene kútińder degenge qaratpaı olardy kólikke basyp alyp ketti. Olarmen birge "Atajurt eriktileriniń" basshysy Bekzat (Maqsuthanuly) da ketti, - deıdi ol

Al jýrnalıst Toqtar Jaqash óziniń feısbýk paraqshasynda:  "Qazir eki jigitti qorǵaý úshin Astanadan Lázzat Ahatova arnaıy ushyp keldi. Belgili advokattar Baýyrjan Azanov pen Shynqýat Baıjanov ta baýyrlaryna arasha túsýge kiristi. Qytaıǵa keri qaıtarylsa - Qaster men Muragerdiń ekeýin de aıamaıdy. Eki baýyrymyz shekara asqanda "Qazaqstan degen elimiz bar, bizdi daýǵa da, jaýǵa da bermeıdi" degen úmitpen keldi. Al biz...
Qytaı qazaqtary Saıragúldiń isinen múldem beıhabar eken. Shyryldaǵan bir qyzymyzdy óıtip-búıtip ázer degende Eýropanyń qorǵaýyna ótkizgenimizdi bilse, bul balalar keler me edi, kelmes pe edi? Saıragúldiń oqıǵasynan Qytaı qazaqtary habardar bolsa, beri qaraı údere qashar ma edi?"-dep ashyna jazdy. 

(Sýret azattyq.org saıtynan alyndy)

"Adyrna" ulttyq portaly

Pikirler