Ómir Shynybekuly: Zań jobasynyń 5-baby muǵalimder úshin óte qaýipti

1003
Mınıstrlik pedagog, qoǵam belsendisi Ómir Shynybekulynyń «Pedagog mártebesi týraly» zań jobasyna qatysty  jasaǵan 14 usynysynyń birde-bireýin eskermegen
Pedagog, qoǵam belsendisi Ómir Shynybekuly QR Bilim jáne ǵylym mınıstrligi usynyp jatqan «Pedagog mártebesi týraly» zań jobasynyń 5 babyna qarsylyq bildirip otyr.

Zań jobasynyń «Pedagogıkalyq ádep jáne pedagog anty» dep atalatyn 5 babynyń 2 tarmaǵynda «pedagogıkalyq ádep qaǵıdalaryn bilim berý salasyndaǵy ýákiletti organ bekitedi» dep jazylǵan. Qoǵam belsendisi, ardager ustaz Ómir Shynybekuly buny ustazdardyń aýzyna qaqpaq bolý dep esepteıdi. Óıtkeni, sol baptyń 4 tarmaǵynda «Ant mátinin jáne pedagogterdiń ony qabyldaý tártibin bilim berý salasyndaǵy ýákiletti organ bekitedi» delingen.

«Muǵalimge "mártebe" men "abyroıdy" eshqandaı zańmen bekitip bere almaısyz.. Ol azamattyń óziniń bilim-biligi men jeke azamattyq ustanymyna qatysty dúnıeler..

Qabyldanǵaly jatqan "Muǵalim mártebesi týraly" zań jobasynda muǵalimdi qorǵaıtyn bap joq.

Jobanyń eń mańyzdy tusy osy zańnyń 5-baby... Osy baptyń 2-tarmaǵyna nazar aýdaryńyzdar..

"Pedagogıkalyq ádep qaǵıdalaryn bilim berý salasyndaǵy ýákiletti organ bekitedi" dep tur.

Álgi ýákiletti organ "Muǵalim qabyldanǵan zań men bilim berý mekemesiniń jarǵysyn múltiksiz saqtaýy tıis" dep, mektep jarǵysyna "Mektep qabyrǵasynda bolyp jatqan jaǵdaılardy jarııalaýǵa tek pedkeńes qana quziretti" degen sekildi bap engizip jiberse, osy kórgen kúnimizge zar bolamyz..

Al ózge baptary syldyr sóz.. Máselen "Pedagogti mindetine jatpaıtyn jumystarǵa tartýǵa jol berilmeıdi" deıdi. Jol bergen basshyǵa qandaı shara qoldanylady? 6 aıdan soń ózdiginen kúshin joıatyn sógis pe? Ol jaǵy naqtylanbaǵan..

Bul zań jobasynyń qabyldanýyna jol berýge bolmaıdy..», - deıdi Ómir Shynybekuly.

Qoǵam belsendisin mınıstrlikke budan keıin de birneshe ret shaqyrǵan. Alaıda, Ómir Shynybekuly usynystarynyń birde-bireýi elenbeı, zań jobasy jasalǵanda eskerilmegendikten, budan bylaı Nur-Sultanǵa barýdan bas tartypty.

«Tamyz keńesine, sosyn 3 qyrkúıekte taǵy shaqyrǵan. Barmaı qoıdym. Sózdiń ashyǵy kerek, olar otyrysqa men sııaqty 2-3 eriktini jınap alyp, qalǵanyn óz adamdarynan qoıyp, daýysqa salyp birnárseni ótkizip jibermekshi. Ótkende 15 adamdy jınady. Sonyń ishinde úsh adam ǵana kádimgi praktık muǵalimder.  Qalǵandary sol bilim mańaıynda konfet terip júrgender. Shaqyryp alady da, daýysqa birdeńeni salady da, «boldy mine» dep ótkizip jiberedi. Áıtpese, birnárse ózgertemin dep otyrǵan eshkim joq sekildi», - deıdi ol.

"Adyrna" ulttyq portaly

Pikirler