Týǵan jer

213

 

“Týǵan jer” shyǵarmashylyq baıqaýyna qatysýshylardyń týyndylaryn paraqshamyzǵa jarııalaýdy bastadyq. Kelesi kelip túsken týyndy «Úzdik poezııa» atalymy boıynsha Qýanyshbaeva Áıgerim Nurǵazyqyzy.

 

Baılanys telefony: 87071771374
Elektrondyq poshtasy: aikerim.sdu@gmail.com

 

 

Týǵan jerim-aı!
Tóskeıińdegi tasyńda árbir taǵylym.
Kóretin meniń jaryǵym.
Túp-túzý baryp júregime jol bastaıtyn
Sen meniń kúretamyrym!

Týǵan jerim-aı!
Óleń qyp órgen adaldyq kúıin, ar kúıin,
Tyńdaǵan alǵash áldıim.
Sen jaqtan shyǵar shapaǵat nurmen oıanyp,
Juldyzyń sanap qalǵıyn.

Týǵan jerim-aı!
Kıeli jippen kesilgen alǵash tusaýym.
Keýdemdegi uly kúsh-aǵyn.
Saǵynǵan sátte muń qushyp, súıip alar em,
Keń bolsa sendeı qushaǵym.

Týǵan jerim-aı!
Ólshemin ómir taba bermeıtin sulýym,
Órilgen alǵash burymym.
Samǵasam kókke talmaıtyn qanat bitirgen
Ózińde jatyr tuǵyrym.

Týǵan jerim-aı!
Sýsap bir baryp sýsynym qanǵan tunyǵym,
Jelide qalǵan qulynym.
Aýlaqta júrsem, ańsatyp áli turady
Topyraq degen bir uǵym.

Týǵan jerim-aı!
Sabylysy men jalynysyń sen jyldardyń,
Syńǵyry sende syrǵamnyń.
Qııańdaǵy úrpek balapandaryń úshin men
Bar bıigimmen qurbanmyn.

Týǵan jerim-aı!
Qoınaýy qut pen tuıaǵy tulpar kıelim,
Basymdy saǵan ıemin!
Bastaýym bolǵan baqytym meniń ózińdi
Ózimnen artyq súıemin!

Pikirler