Týǵan jerge - taǵzym

160

“Týǵan jer” shyǵarmashylyq baıqaýyna qatysýshylardyń týyndylaryn paraqshamyzǵa jarııalaýdy bastadyq. Kelesi kelip túsken týyndy «Úzdik maqala» atalymy boıynsha Baıdrahmanova Nýrbaný Jýmabekovna.

Nurbanu-91@mail.ru
Telefon:87474302891

Týǵan jer - árkimniń shyr etip dúnıege kelip, topyraǵynda aýnap, táı-táı basqan qasıetti mekeni. Qaıda júrsekte júregimizde orny bólek týǵan jerge den súıispenshilik sezim árqashan qýat berip, alǵa jetelep otyrady. Mende osyndaı topyraǵy qasıetke toly Torǵaı ólkesiniń týmasymyn. Osyndaı keremet qudiretti elde, kıeli jerde qazaq bolyp týǵanyma maqtanamyn.
Torǵaıym - Shoqan, Ybyraı, Ahmet, Mirjaqyp, Ilııas syndy alash arystary týyp-ósken kıeli meken. Osy jerde týyp, bilim alyp, qanat qaqqanyma qýanamyn.
Biz uly dalanyń ıesimiz. Sonaý yqylym zamandarda batyrlarymyz naızanyń ushymen qorǵap bizge jetkizgen osyndaı týǵan jerimizdi, elimizdi ári qaraı ishki-syrtqy jaýdan saqtap, bolashaqqa mura etip qaldyrý bizdiń basty amanatymyz dep bilemin. Sondyqtan da sol jolda týǵan eldi kórkeıtýge odan ári damytý barshamyzǵa mindet. Tıtteı de bolsa elge jerge tıgen kómek, ár adamnyń azamattyq paryzy.
Erte zamannan bastaý alatyn mundaı sharalar el aýzynda ańyz retinde qalǵan. Paıǵambarymyz: «Adam ólgen soń onyń úsh amalynan basqasy toqtatylady. Olar júrip turatyn sadaqasy (jol, mektep, meshit, kópir salý) paıdaly bilim jáne ózine duǵa etetin salıqaly urpaq» - degen ulaǵatty hadısin árdaıym ómirlik ustanymǵa aınaldyrǵan eken.
Týǵan elge, jerge kómek kórsetý úrdisi qazir de jalǵasyn taýyp júr. Ásirese mektep túlekteriniń 10, 20 jyldyq sııaqty kezdesýlerde aýyl mektepterine materıaldyq kómek kórsetýi quptarlyq is. Sondaı is-sharalardy atqarýda Torǵaı ólkesiniń týmalary 90 jyldyq mereıtoıynda bastaǵan is-sharalar kóńilimizge qýanysh uıalatady. Osyndaı is-sharalar kelesi jyly aýdanǵa qarasty Kókalat aýylynda jalǵasyn tapty. Aýyldyń 1971 jylǵy mektep túlekterinen bastap, 2010 jylǵy mektep túlekteri jınalyp, týǵan jer topyraǵyna balalarǵa arnap oıyn alańyn, saıabaq salyp berdi. Meshitke jóndeý jumystaryna kómek kórsetip, aýyl kóshelerin jaryqtandyrý sııaqty qaıyrymdy is-sharalar atqardy. Kezinde aýylda el men eldi biriktirip A.Nurmanov kópir salyp bergen edi. Al bul jastardyń isi babalar jalǵasy ispetti. Mundaı sharalardyń jer jerlerde jalǵasyn taýyp jatqany júrekti jylytady. Kórip ósken keleshek jastarymyz da boıynada eli men jerine degen patrıottyq sezimi, mahabbaty oıanyp, sanaly urpaq bolyp óseri haq.
Elbasymyz N.Nazarbaev: «Patrıotızm týǵan úı men týyp ósken óńirden bastalady. Biz kishi Otanymyz arqyly búkil Qazaqstandy súıemiz...» degen edi. Osyndaı týǵan eli men jeri úshin onyń bolashaǵy úshin alańdaıtyn urpaqtary turǵanda bizdiń elimiz Qazaqstanymyz kórkee bermek, óse bermek.
Týǵan jerim - saǵan taǵzym etemin. Eli úshin, jeri úshin qyzmet eter jastarymyz kóp bolǵaı. Árqashan tynyshtyq zaman bolyp, besigińde balańdy terbete bershi týǵan jer...

Pikirler