Eski qara paltomdy kıip alyp....

65

“Týǵan jer” shyǵarmashylyq baıqaýyna qatysýshylardyń týyndylaryn paraqshamyzǵa jarııalaýdy bastadyq. Kelesi kelip túsken týyndy «Úzdik poezııa» atalymy boıynsha Symbat Saǵyndyq Dúısenbaıqyzy.

 

Baılanys telefony: 

 

Júrgende qaıǵy otyna kúıip janyp,
Áı, ómirim kelemin syıyńdy alyp.
Jolsyzbenen keshkilik kezip ketem,
Eski qara paltomdy kıip alyp...
Kezder az ba kóńilim muń qarmaǵan,
Qaıǵy - dosym, sátsizdik syńar maǵan.
Tas bop qatqan atamnyń beıitine,
Úsh jyl boldy men áli bir barmaǵam...

Mynaý ájem syılaǵan ala jempir,
Qońdaý etip toqyǵan, áli keń tur.
Únemi soqa basy qara shalmen,
Qara oshaq qasynda qara kempir...

Sál súrinseń dushpan men dos kúledi,
Tiri júrsem - Anamnyń aq tilegi!
Sýyryp júregimdi bergim keled,
Ákemniń aýyrǵanda et júregi...

Bilmeımin baq alam ba, sor alam ba?!
Keýdeńdi úskirik muń tonaǵanda.
Men qatty qobaljımyn... Mamataıym,
Úmitti kózderimen qaraǵanda...

Keýdege ay óksik jıyp alyp,
Judyryqty tastaı ǵyp túıip alyp,
Tuman oıǵa berilip kezip kelem,
Eski qara paltomdy kıip alyp....

Pikirler