Jedel-járdem

161

“Týǵan jer” shyǵarmashylyq baıqaýyna qatysýshylardyń týyndylaryn paraqshamyzǵa jarııalaýdy bastadyq. Kelesi kelip túsken týyndy «Úzdik poezııa» atalymy boıynsha Zeınollaqyzy Mereke.

 

Baılanys tel: 8 707 763 78 63
Poshta: merekezhan_20@mail.ru

 

 

Aıaldama. Avtobýs. Úıge bári asyq tur.
Batýyna asyqty kemerinen asyp kún.
Dabylymen jańǵyrtqan jedel-járdem kómegin-
Keshiktirmeı ýaǵynda izdegenge asyqtyr.

Janymdaǵy kúrsindi aq samaıly egde áıel,
«Asyqqanda jetpeıdi ýaqytynda bul «báleń»,
Bir jyl buryn járdemi keshigip kep sum ajal-
Otaǵamdy oıda joq qaýyshtyrdy jermenen».

Mezet turǵan janynda qyzdyń kózin jas etti,
«Bizge kelgen járdemniń ýaqytyn da kesh etti,
Tynysynan tarylǵan ákeshimdi aı buryn,
Emge emes ajaldyń qushaǵyna áketti».

Ótken kúnniń elesi-júrekterdi jasytqan,
Keptelisti baqylap bizder turmyz qashyqtan.
Kóz aldymda taǵy bir adamyna jete almaı,
Jedel-járdem keptelip, ajaly tur asyqqan.

Jalǵana ma bireýdiń ómiriniń án-jyry,
Átteń, myna ýaqyttyń tym mardymsyz azdyǵy.
Ómir menen ólimniń kópiriniń boıynda-
Bir adamnyń qolynda-bir adamnyń taǵdyry.

Ajalǵa kim qııady zamandasyn, qandasyn,
Oınatpasyn oıdymyn, qamdamasyn aılasyn.
Taǵdyr degen toraby tylsym joldyń boıynda-
Ómir baǵdarshamynyń qyzyl túsi janbasyn.

Pikirler