Mıtıng: Bılik qazir qorqyp, tolqyp otyr

1242

Bılik qazir tolqyp otyr deýge de, qorqyp otyr deýge de bolady. Sebebi, vatsap toptarda 21-qyrkúıek kúni ótetin mıtıngke shaqyrý tolastar emes. Árlep, áspettep posterler taratyp otyrǵan adamdardyń bizde zańmen tıym salynǵan DVK uıymynan. Árıne, aqylynan aljaspaǵan adamdar DVKanyń aıtaǵyna ere qoımas. Sebebi, bul DVKamyz da senimnen shyqqaly qashan. Áýelgide qazirgi júıeden sharshaǵan jurt Áblázovtyń artynan birazǵa deıin erdi. Onyń el-jurtty, memleketti oılamaıtynyn, tek óziniń jeke bas keginiń sońyna túsip ketken adam ekenin bilgen jurttyń barlyǵy odan teris aınalýda.
Biraq, qoryqqannyń jóni osy eken dep óz oıyn ashyq aıtyp júrgen adamdardy jelkelep alyp ketý durys emes. Bul áreketpen bılik ózine qarsy adamdardy kóbeıtpese azaıtýy neǵaıbyl.
Mıtıngterdiń aldyn alý úshin saıasat sahnasynda kópten kórinbeı ketken Ertisbaevty "jarq" etkizý manevry oıdaǵydaı áser bermedi. Iá, áleýmettik jelide biraz talqyladyq ta qoıdyq. Ertisbaev myrza ózine halyqty sendire alatyn tulǵa emes. Eshqashan ondaı qasıeti de bolmaǵan.
Toqaev myrza óz joldaýynda mıtıngterge ruqsat berý jaıly aıtqan bolatyn. Osyny joǵarydaǵylar óz taraptaryna sátti paıdalanyp qalýǵa ne kedergi? Adamdarǵa ishindegi zapyrandy syrtqa shyǵarýǵa múmkindik ber. Iá, zańnamalyq turǵydan qarasaq pálen kún buryn aryz jazý kerek. Ol aryzǵa ruqsat etilgeni nemese ruqsat bermegendigi jaıly ýáj jazylý kerek. Qazir, jer-jerde ruqsat suraǵandardyń ótinishi túrli syltaýmen keri qaıtýda.Eger, ruqsat berilse mıtıng uıymdastyrýshylar da ózderine tártipsizdik bolmaıtyndyǵy jaıly jaýapkershilik alady.
Osyny árıne qarsy tarap ózine sátti paıdalanýǵa tyrysady jáne ádemi paıdalanýda. Osylaısha qazir ózimiz otyrǵan butaqty ózimiz aralaýdamyz.
Jurttyń kóbiniń DVKaǵa ergisi kelmeıdi. Biraq, sher tarqatatyn alań bermegen soń sol topqa qosylmaǵanda ne isteıdi?
Iá, men óz basym DVKaǵa o bastan qarsymyn. Olardyń uıymdastyrǵan sharalarynyń barlyǵyna qarsymyn.Biraz belsendilerdiń halyqqa DVKa uıymdastyrǵan mıtıngterge qatyspaýyn jazyp júrgenin talaı márte baıqadym. Osy feısbýk betinde de, ómirde de.
Aǵaıyn, ázirge seni aıaıyn dep otyrǵan eshkim joq. Ózińdi saıası las oıynnan aýlaq usta. Tap osy mıtıngige qatyspaı-aq qoıshy.

 

Aısultan JAQYPOV

"Adyrna" ulttyq portaly

Pikirler