Qytaıdyń eń baı adamy Toqaevqa nege tańǵaldy?

601

Alibaba Group kompanııasynyń negizin qalaýshy Djek Ma Prezıdent Teleradıokeshenine suhbat berdi, - dep habarlaıdy Tengrinews.kz tilshisi. Qytaılyq mıllıardermen áńgime Qasym-Jomart Toqaevtyń QHR-ǵa memlekettik sapary kezinde jazylǵan. Djek Ma Qazaqstan Prezıdentimen kezdesýi jaıly áńgimeledi. Suhbat "Barys pen aıdahardyń strategııasy: ózara syılastyq jáne máńgilik áriptestik" derekti fılmine endi.

"Qazaqstan Prezıdenti Qasym-Jomart Toqaevpen tańǵalarlyqtaı kezdesý boldy. Ol myqty kóshbasshy jáne ol óte qatty shabyttandyrady. Onyń óz eline degen qumarlyǵy maǵan qatty áser etti... Bul tamasha kezdesý boldy", - dedi Djek Ma.

Mıllıarderdiń aıtýynsha, ol Qazaqstanda 3-4 ret bolǵan. "Ár barǵanymda birneshe jaǵdaı tańǵaldyrdy. Bul sulýlyq, uly adamdar, sizderdiń eldiń batyrlary, sondaı-aq eńbeksúıgish halyqtaryńyz. Qazaqstanǵa barǵan saıyn kóptegen qyzyqty oryndarda bolamyn... Men sizderdiń elderińizdi jaqsy kóremin, onyń mádenıetin jaqsy kóremin jáne jańa dostar tabýdy unatamyn. Sizderde Gennadıı Golovkın sııaqty batyr bar! Sizderdiń halyq óte qonaqjaı".

Esterińizge sala keteıik, Djek Ma óziniń 55 jyldyq mereıtoıynda resmı túrde Alibaba dırektorlar keńesiniń tóraǵasy qyzmetinen ketken edi. Otstavkaǵa ketkennen keıin Prezıdent Teleradıokeshenine suhbat bergen ol Hanchjoý qalasyndaǵy stadıonda úlken mereke uıymdastyrdy.

"Adyrna" ulttyq portaly

Pikirler