Asqar Myrzahmetov jambyldyq jastarmen kezdesti

810
Elbasy Nursultan Nazarbaevtyń Jarlyǵymen bıyl jastar jyly dep jarııalanǵany kópshilikke begili. Jastar jyly aıasynda elimizde naqty josparlar qurylyp, aýqymdy jumystar atqarylyp jatyr.

Taraz memlekettik pedogogıkalyq ýnıversıtetinde «Básekege qabiletti jastar – elimizdiń irgetasy» taqyrypta Jambyl oblysynyń ákimi Asqar Myrzahmetov jastarmen kezdesti. Erkin formatta órken sharaǵa atalmysh oqý ordasynyń stýdentteri qatysyp, ózderin tolǵandyryp júrgen suraqtarǵa jaýap aldy.

Stýdentter negizinen óńirdiń órkendeýi, bilim salasyndaǵy ózgerister, Jastar jylyna qatysty atqarylar sharalardyń barysy, volonter jastar, el bolashaǵy týraly oılaryn ortaǵa saldy.

Asqar Myrzahmetovtyń aıtýynsha, ata-analar men aǵa urpaq ókilderi jastar tárbıesine aıryqsha nazar aýdarý kerek. Óıtkeni  qoǵamda jastardyń jaqsy bolyp qalyptasýy úlkender bergen tárbıege baılanysty bolmaq.

«Muhtar Áýezov «El bolamyn deseń – besigińdi túze» dep tekten tek aıtpaǵan. Sondyqtan da biz jastardyń tárıbesine erekshe nazar aýdarýymyz kerek. Meniń oıymsha, balanyń mektepte, keıin kele joǵary oqý orynda qalaı oqıtyny otbasynda qalyptasatyn sııaqty. Ata-ananyń tálim-tárbıesi arqyly bala bilimge qushtar bolyp ósetini belgili. Al ózimniń jastyq shaǵyma toqtalatyn bolsam, kóbine kitaphana eske túsedi. Sodan keıin sportqa beıim bolyp, ár túrli jarystarǵa qatystym. Jalpy jalyndy jastar tarıhty tanyp, ótkendi qurmetteýge jáne ata-baba dástúrin ulyqtaýǵa tyrsýy kerek. Ózderińiz jaqsy bilesizder 2020 jyldy Memleket basshysy Qasym-Jomart Toqaev eriktiler jyly dep jarııalap otyr. Sondyqtan da jastar qaıyrymdylyq sharalary men tabıǵat tazalyǵyna atsalysýy kerek», – dedi oblys basshysy.

Belsendi jastar oblys ákiminiń ónegeli ótken ómiri týraly, bos ýaqytyn nege arnaıtyndyǵyn, qandaı kitaptardy súıip oqıtynyn surap, jumys barysyndaǵy ustanymy haqynda áńgimelep berýin ótindi. Asqar Myrzahmetov barlyq suraqtarǵa naqty ári ashyq jaýap berip, stýdentterge bilim jolynda da, ómir jolynda da sáttilik tiledi. Júzdesý sońynda ákimmen estelik sýretke túsken jastar ádemi áserge bólenip tarqasty.

«ADYRNA»

ulttyq portaly

 

Pikirler
Redakııa tańdaýy