Basshylyq: Kópbalaly analar baspana surap, óz múddesin kózdep otyr

272

Nur-Sultan qalalyq qoǵamdyq damý isteri basqarmasynyń basshysy Talǵat Rahmanberdi  baspana suraǵan analardyń zaryn zańsyz dep tapty, dep habarlaıdy adyrna.kz  saıtynyń tilshisi inform.kz saıtyna silteme jasap.

Basqarma basshysy kópbalaly analar tek óz múddesin kózdep otyr, zańdy belden basýda dep ashyq aıtty.

«QR-daǵy beıbit sherý men ereýilderdi uıymdastyrý zańynyń talaptaryna sáıkes, beıbit sherý, mıtıng, ereýilderdi jergilikti atqarýshy organnyń ruqsatymen ǵana jasaýǵa bolady. Atalǵan tulǵalarǵa jergilikti atqarýshy organdar tarapynan ruqsat berilmegen. Soǵan qaramastan kópbalaly analardyń jekelegen toptary osyndaı sherýler arqyly ózderiniń jeke basynyń múddesin, máselerin sheshýge tyrysyp jatyr. Ol tolyǵymen zańsyz. Biz olarmen tolyǵymen kelsipeımiz. Sebebi kótergen máselelerdiń barlyǵy zańsyz. Atalǵan zań talabyna sáıkes, turǵyn úı alý úshin kezekke turý qajet. Nur-Sultan qalasynda kezekke Turǵyn úı qory turǵyzady. Sol qorǵa baryp, kezekke turyp, soǵan baılanysty baspanamen qamtamasyz etiledi. Al óziniń jeke basynyń múddesin sheshý úshin zańdy belinen basyp, sherýge shyǵyp, ereýildetken azamattardyń áreketteriniń barlyǵy zańsyz. Biz muny ashyq aıtamyz», -dedi Talǵat Rahmanberdi.

"Adyrna" ulttyq portaly
Pikirler