Jambyl oblysynda eki aýylǵa taza aýyzsý jetti

814

Jambyl oblysynyń Sarysý aýdanyndaǵy eki aýylǵa taza aýyzsý jetti. Shalǵaıdaǵy qos eldi mekende ortalyqtandyrylǵan sý júıesi buryn-sońdy bolmaǵan

Arystandy men Qyzyldıqan aýyldarynyń turǵyndary buǵan deıin tirshilik nárin qudyqtan nemese bulaq kózderinen tasyp ishken edi. Endi bul qıynshylyqtar artta qalyp, turǵyndar úılerine taza sýdy tartýda. Qyzyldıhan aýylyn aýyzsýmen qamtamasyz etý júıesi qurylysynyń jobalyq-smetalyq quny 2 mıllıon teńgeni quraıdy, 5 111 metrlik sý qubyry boıynda burǵylanatyn 3 uńǵyma ornatylǵan. Bas merdiger –«IMPULSE-LTD» JShS. Qurylys barysynda uńǵymany burǵylaý, elektr jelisin tartý, magıstraldi sý qubyryn tartý júrgizilgen.

Sonymen qatar sý jınaý ǵımaratynyń qurylysy júrýde. Al, Arystandy aýylyn aýyzsýmen qamtýdyń jobalyq quny 242 mıllıon 984 myń teńgeni quraǵan. Atalmysh qarajatqa 5 663 metr qubyr tartý jumystaryn merdiger «Intellekt Azııa» JShS júrgizgen. Qurylys kompanııasy qubyrdy tartý jumystaryn aıaqtap, rezervýardy ornalastyrý, sý jınaý ǵımaratynyń temir-beton qorshaýyn ornalastyrý, elektr jelisin tartý, transformator ornatý jumystaryn atqardy.

«Aýdanda barlyǵy 26 eldi meken bar desek, onyń on besi ortalyqtandyrylǵan taza aýyzsý tutynyp otyr. Taǵy eki eldi meken qosylýda. Arǵy jaǵynda tórt eldi mekenniń ekeýine jobalyq-smetalyq qujattama daıyndalýda. Ekeýine sý asty qoryn barlaý, zerdeleý jumystary anyqtalǵan. Qalǵan bes eldi meken bizde elý adamnan kem, áleýmettik jaǵynan tıimsiz bolyp esepteledi», - deıdi sarysý aýdandyq TKSh jolaýshylar kóligi jáne avtomobıl joldary bóliminiń basshysy Erkin Alteshov.

Jalpy, Jambyl oblysynda osyǵan deıin ortalyqtandyrylǵan aýyzsýmen qamtylǵan 199 eldi mekende 130 myń úıde sý qubyry bola tura, olar sýǵa qosylmaǵany anyqtalǵan. Aǵymdaǵy jyldyń alty aıynyń qorytyndysymen 34 myń adam qubyrǵa qosyldy. Jyl sońyna deıin taǵy da 30 myń adam sý júıesine qol jetkizetin bolady. Bul da kommýnaldyq mekememen atqarylyp jatqan jumystyń esebinen. Buǵan qosa, bıýdjet boıynsha 18 eldi mekenge sý qubyrlary júrgizilýde, onyń 10 jobasy iske qosylmaq. Nátıjesinde qamtý úlesi 56 paıyzǵa jetedi.

 «ADYRNA»

ulttyq portaly

 

Pikirler
Redakııa tańdaýy