Ulttyq bank qaryzy barlarǵa kómektesetin boldy

3273
2019 jylǵy 10 qyrkúıekte bankter 72,9 mlrd teńge somaǵa 8 313 ótinimdi maquldady, 58,8 mlrd teńge somaǵa 6 906 qaryz qaıta qarjylandyryldy.

Qazaqstan Respýblıkasynyń Tuńǵysh Prezıdenti – Elbasynyń tapsyrmalaryna jáne bastamalaryna sáıkes Qazaqstan Ulttyq banki Ipotekalyq qaryzdardy qaıta qarjylandyrý baǵdarlamasyn iske asyrýda, dep habarlaıdy Elorda Info.

Baǵdarlama eki bloktan turady.

1) Birinshi blok 2004-2009 jyldar aralyǵyndaǵy kezeńde qaryz alǵan ıpotekalyq qaryz alýshylarǵa qoldaý kórsetýge baǵyttalǵan. Qazaqstan Ulttyq banki kórsetilgen qaryzdardy qaıta qarjylandyrýǵa 130 mlrd teńge bóldi.

2019 jylǵy 10 qyrkúıektegi jaǵdaı boıynsha baǵdarlama aıasynda revolverlik tetikti eskere otyryp, 168,2 mlrd teńge somaǵa 27 229 qaryz maquldandy, 152,8 mlrd teńge somaǵa 25 832 qaryz qaıta qarjylandyryldy.

2) Baǵdarlamanyń ekinshi blogy jeke tulǵalardyń 2016 jylǵy 1 qańtarǵa deıin alǵan valıýtalyq ıpotekalyq qaryzdaryn Qazaqstan Ulttyq bankiniń 2015 jylǵy 18 tamyzdaǵy baǵamy boıynsha teńgemen qaıta qarjylandyrýdy kózdeıdi.

2019 jylǵy 10 qyrkúıekte bankter 72,9 mlrd teńge somaǵa 8 313 ótinimdi maquldady, 58,8 mlrd teńge somaǵa 6 906 qaryz qaıta qarjylandyryldy.

Qaryzdyń baǵdarlama talaptaryna sáıkestigin aıqyndaý úshin qaryz alýshylarǵa kredıtor bankke ótinish jasaý qajet. Óńirlerge jáne bankterge qatysty ıpotekalyq qaryzdardy qaıta qarjylandyrý týraly tolyǵyraq aqparatpen, sondaı-aq, óńirlerge jáne bankterge qatysty aqparatpen «Bankterdiń aqshany ıgerýi týraly aqparat» bólimi arqyly tanysýǵa bolady.

Osy silteme boıynsha Qazaqstan Ulttyq bankiniń, ekinshi deńgeıdegi bankterdiń aımaqtyq fılıaldary halyqpen baǵdarlamanyń talaptaryn túsindirý boıynsha ózara is-qımyldy júzege asyratyn qyzmetkerleriniń baılanys derekteri ornalastyryldy. Suraqtar týyndaǵan kezde qaryz alýshylarǵa Qazaqstan Ulttyq bankiniń jáne bankterdiń tıisti fılıaldaryna, ne olardyń aýmaqtyq qatystylyǵyna baılanysty ótinish jasaý qajet.

Baǵdarlamanyń talaptarymen Ulttyq bank saıtynyń «Qarjylyq qyzmetterdi tutynýshylardyń quqyqtaryn qorǵaý» bóliminde tanysýǵa bolady.

"Adyrna" ulttyq portaly

Pikirler