Toqaev bıligine búgin 100 kún. 100 kúnde ne ózgerdi?

259

Búgin 30 jyl Qazaq memleketin basqarǵan Nursultan Nazarbaevtyń prezıdenttik qyzmetten ketkenine dál 6 aı boldy.
Sol sátten bastap el azamaty retinde Toqaevtyń prezıdent bolǵanyn qoldap-qýattadym. Áý basynda túsinbegen jandar ýaqyt óte kele uǵyndy dep oılaımyn. Toqaevtyń qyzmetine baǵa berer ýaqyt áli jetpedi, alaıda bizdiń kútkenimizdi de oryndamaı jatqan joq. Ýaqytshasy bir bólek, Qasym-Jomart Kemelulynyń saılanyp memleket basshysy bolǵanyna búgin 100 kún toldy.
99 kúnde biraz sharýa atqaryldy. Prezıdent Arysta eldiń janynda boldy. Bir rettik belgilengen mólshermen kredıt keshirildi. Memleket basshysy retinde alǵashqy joldaýyn jasady. Ulttyq keńesti quryp, saıası-ekonomıkalyq reformaǵa bastama boldy. Taǵysyn taǵy. Shamalǵan stanııasyndaǵy oqıǵaǵa sol sátinde kóńil aıtqanyndaı, eldegi ár jaǵdaıǵa beı-jaı emes.
Toqaev 24 qyrkúıektegi BUU bas assambleıasy jınalysyna AQSh-qa sapary aldynda keshe birneshe kútpegen taǵaıyndaý jasady. Muny jurt “Nazarbaevtyń yqpalymen” baılanystyrady. Menińshe, mundaı pikir kóbirek ıntrıgaǵaǵa áýes jandardyń jáne “Nazarbaevtyń sheksiz bıligi” jambasyna oń keletinderdiń” oıy(ny). Elbasy bılikke syrttaı aralasyp otyr deýge kelmeıdi. Ol saılaý kezeńinde bir emes eki ret “Bárimiz halyq saılaǵan Prezıdentke qoldaý kórsetip, jumys isteımiz” degen bolatyn. 16 mamyrda jáne 23 mamyrda araǵa apta salyp aıtty bundaı sózdi. Nazarbaev Mahathır Mohamad sııaqty bılikke qaıta kelem dep otyrǵan joq. Ekinshi prezıdent te teris polıtıka júrgizbedi. Demek, ıntrıgaǵaǵa oryn joq. Budan da jaqsy ózgerister men ilgerileý kúteıik.

Nurǵalı NURTAI

"Adyrna" ulttyq portaly

Pikirler