Qazaqta ortaq ustanym qalyptaspaǵan

193

Burynnan da kúdigim bolatyn. Biraq elge kelgeli biraz tulǵalarmen aralasyp kózim jetip keledi.

1. Júıege qarsymyz, ózgeris kerek degen azamattar bir maqsatty kózdeıdi. Ol - júıeni aýystyrý. Biraq ózgeris dep aıtady da sol jolda ózderiniń basy birige almaıdy. Mysaly, onyń til týraly pozıııasy unamaıdy deıdi de bir-birin jek kórip kete salady. Úlken bópe sekildi kádimgi. Erteń bılikke kelse qalaı el basqaratyny úlken suraq...

2. Ekinshi kemshilik, júıe ketkennen keıin ne isteý kerek degende árqaısysy ár jaqqa tartady. Qarap otyrsań júıe ketse ary qaraı olarda ortaq maqsat joq. Jan-jaqqa tartyp, qyryq pyshaq bolýǵa daıyn. Biriktiretin ıdeıa, eldiń keleshegine qatysty bir ortaq ustanym qalyptaspaǵan. Bul jaqsylyq emes. Erteń júıe halyqtyń kúshimen ketse, bular el basqarýǵa jetse julyp jeıdi birin biri.

3. Keıbir el sengen azamattardyń oıy tym qarabaıyr. Álem qaıda bara jatyr, biz qaıda sharýasy joq. Usaq-túıek áńgime. Áńgimesinen ishim pysyp ketken de kezderim boldy.

4. Meniń tań qalǵanym sál ózgeshe oılarǵa lúpil basýǵa qorqatyn da azamattar bar eken.

5. Kimniń kimge lúpil basqanyn sanap otyratyn tıpter de bar.

6. Sýretke túsý Qazaqstanda qaýipti eken. Mysaly, AQSh-ta Obama men Tramp kofe iship, golf oınap, sýretke túsip júre beredi. Biraq ekeýi óz partııasyn satyp Obama respýblıkaǵa, Tramp demokrattarǵa ótip ketpeıdi. Bizde "Nur Otanmen" sýretke tússeń sharýań bitti. Satqynsyń. Múmkin  men jaı kofe ishtim, sýretke tústim, pikir almastym bitti sonymen. Joq, seni satqynǵa balaıdy. Sýret dálel. Mine fakt. Sábıdiń oılaý dárejesi. Onymen qoımaı el basqarǵysy keledi. Eki túrli saıası kózqarastaǵy qazaqtyń balasy birge kezdesip, sháı ishpeý kerek bolyp tur ǵoı sonda.

Ózgeris kerek dep jatqan azamattardyń sózderi árıne elge jaǵady. Biraq daýlasa bermeı birigýdi, keleshekte ne isteımiz degen pozıııada ortaq ustanym qalyptastyrýy kerek-aq. Bireýlerge unamaýy múmkin biraq deńgeı men dúnıetanymdy ósirý úshin de biraz eńbektený kerek. Bul shyndyq. Qazir ábden sharshaǵan qoǵamǵa qajetti sózderdi aıtyp, abyroı jınap jatqanmen shynaıy saıası mádenıeti, deńgeıi artta qalyp qoıǵan tulǵalar kóp.

Osy jazbany oqyp shyqqannan keıin meni satqyn deıtinder de shyǵady. Sebebi bizde bılikti jamandadyń ba sońyna deıin jamandaý kerek. Myna jaqqa tımeý qajet. Meniń oıymsha azamattyq qoǵamdaǵy tulǵalardyń da ózderimen jumys istep, deńgeıleriniń óskeni kerek.

 

Baýyrjan SERIKBAEV

"Adyrna" ulttyq portaly

Pikirler