Djek Madan aqyl-keńes

417

Qytaıdyń eń aýqatty adamdarynyń biri Djek Manyń ulyna jazǵan haty:

Saǵan bul hatty jazýyma 3 nárse sebep boldy:

- Taǵdyrdy boljap bolmaıdy, eshkim de óziniń qansha ómir súretinin bilmeıdi, sondyqtan keı nárselerdi erterek aıtqan durys.

- Men seniń ákeńmin, mundaı aqyl-keńesti saǵan men aıtpaǵanda kim aıtady.

- Saǵan aıtatyndarymnyń barlyǵy meniń ómir jolymda kezdesken kedergilerden alǵan sabaqtarym, sondyqtan osy sátsizdikterimdi qaıtalamaýyń úshin paıdasy bolar dep sanadym.

1) Seni jaqtyrmaǵan, saǵan nashar kózqaraspen qaraǵan adamdarǵa eshqashan renjime, óıtkeni shesheń ekeýimizden basqa eshkim de saǵan boryshtar emes. Eger de bireý saǵan qamqorlyq tanytar bolsa ony qadirleı bil.

2) Ómirińde kezdesken kez-kelgen adamdy nemese baǵaly zatty, basqa eshkim, eshnárse onyń ornyn basa almaıdy dep qarama, osy kózqarasta myqty bolsań bolashaqta asylyńnan aıyrylyp qalsań da sabyrly bola alasyń.

3) Ómir óte qysqa, dál qazir ýaqytyńdy bosqa ótkizip júrgenińdi dám-tuzyń taýsyla bastaǵanda bilesiń, ómirdi qanshalyqty erterek qasterleı bastasań, ómirden alatyn ləzzatyń da sonshalyq kóp bolady. Uzaq ómir súrýdi armandaǵannan góri ýaqytty únemdeı bilgen durys.

4) Mahabbat degen bir túrli sezim ǵana, bul sezim ýaqyttyń ótýimen, jasaǵan ortańnyń aýysýymen birge ózgerip otyrady. Eger kúnderdiń birinde súıgenińnen aıyrylyp qalsań sabyrlyqpen kút, ýaqyttyń ózi barlyǵyn umyttyrady, kóńiliń de sabasyna túsedi. Mahabbattan bal jutam dep ólermendene berilip te ketpe, mahabbattan keletin qaıǵydan qabyrǵań qaıysyp shógip te ketpe.

5) Kóptegen tabysqa jetken kásipkerlerdiń bilimi ortasha bolǵan, biraq bul qulshyna úırenbegen adam da tabysqa jete alady degendik emes. Esińde bolsyn,bilimiń eshkim senen tartyp ala almaıtyn eń myqty qarýyń. Adam bilimsiz de kásip jarata alady, biraq bilimsiz báribir de ony damyta almaıdy.

6) Qalǵan ómirimde men saǵan meni baq dep talap qoımaımyn, dál sol sııaqty sen kámelettik jasqa jetken soń meniń de jaýapkershiligim aıaqtalady. Ómir boıy qoǵamdyq kólikpen júresiń be, álde Mersedes minesiń be, qara kóje ishesiń be, álde maı shaınaısyń ba, ol óz qolyńda.

7) Óziń ýədege berik bol, biraq basqalarǵa bul talapty qoıa almaısyń. Basqalarǵa únemi iltıpatpen qara, biraq basqalarǵa da ózińe jaqsy kózben qara dep talap qoıa almaısyń. Sen olarǵa qalaı qarasań olar da saǵan solaı qaraı bermeıdi. Eger osy aqıqatty jete túsine almasań ómirde basy artyq keleńsizdikterge ushyraı beresiń.

8) Men 26 jyl boıy lotereıa bıletin satyp alyp kelemin, áli bir de bir ret utqan joqpyn, tipti 3-dárejeli utysqa da jetkem joq. Bul degenimiz, adam tabysqa jetý úshin qulshyna úırenip, tynbaı eńbek etý kerektiginiń dáleli, myna álemde aqy almaıtyn ashana joq.

9) Ómir bir-aq ret beriledi, sondyqtan da etjaqyn týysqandaryńdy, janashyr jaqyndaryńdy qadirleı bil. Ekeýimiz de máńgi birge bola almaımyz, qara kóz jumylǵan soń eshqashan qaýysha almaımyz.

Bul hatty oqyp bitken kezde sende eki tańdaý bolady:

- Birinshisi, sen muny odan ary damytyp, ózińe máńgi azyq bolatyn rýhanı kómekshi etip saqtaısyń.

- Ekinshisi, eshteńe oqymaǵan, kórmegendeı bolyp burynǵy ómirińdi jalǵastyrasyń"

(Serik Seitmannyń feısbýk paraqshasynan alyndy)

"Adyrna" ulttyq portaly

Pikirler