Álemde biz sekildi Qytaıdan qorqyp, Reseıge tyǵylatyn el joq

828

-Qazaqty Qytaımen qorqyta beretinderdiń ekinshi aty -
"qazaqty orysqa ıtermeleýshiler" ekenin esten shyǵarmaý kerek.

Álemde Qazaqstannan áldeqaıda kishi, biraq Qytaımen shekaralas, tipti sol Qytaımen qyrǵıqabaq - Taıvan, Mońǵolııa, Nepal, Aýǵanstan degen elder bar ekenin umytpaý kerek.
Biraq bul elderdiń Qytaıdan qorqyp Reseıge tyǵyla bergenin kórmeppin.
Al bizde tipti kúlli qazaq bir - biriniń aýyzdaryna túkirip qoıǵandaı aıtatyn, "qara qytaı qaptasa orys ákeńdeı kóriner" degen sóz bar. Bul sózdi kim shyǵarǵan ózi?
Qurmetti qazaqtar, eger memlekettilikterińizge sonsha senimsiz bolsańyzdar, myna memleketsymaqty jaýyp, bálkim arttaryńyzǵa jaltaqtamaı sol "úlken aǵalaryńyzǵa" qaıta oralarsyzdar, á? Oılanyńyzdar.
Ia bolmasa durys geosaıasat quryp úırenelik.
Qytaı kóp bolsa qaıteıik, qazir 21 ǵasyr, qaptaǵan áskerdi bir kishkentaı túımeshikti basyp qana jahannamǵa attandyrýǵa bolady. Endi bul mıllıard nópirmen qylyshtasyp - naızalasyp otyrady deısizder me? Jańa zamannyń janjaly da jańasha bolady emes pe....
Sondyqtan aqylymyz  jetse sondaı zamanaýı jaǵdaıǵa jetýge tyrysyp, mańymyzdaǵy kórshilerdi qyńbaıtyn dárejege kóshý kerek.
Qysqasy, biz mynadaı geografııada tek qana aqyldy, ozyq, zamanaýı myqty bolý úshin jaralǵanbyz. Ol qolymyzdan keledi. Bizde basqa jol da joq.

 

Oljas ÁBIL

"Adyrna" ulttyq portaly

Pikirler