Bas prokýratýra: Aqjarqyn Turlybaıdyń isi boıynsha shaǵym túsirildi

961

Eger Aqjarqyn Turlybaıǵa qatysty aıyptaý úkimi shyqsa, Qazaqstan qyzdy jazasyn óz otanynda óteý úshin elge qaıtarý týraly saýal joldaıdy. Bul týraly búgin bas prokýrordyń orynbasary Marat Ahmetjanov aıtty, dep habarlaıdy adyrna.kz ulttyq portaly Sputnik Qazaqstandaǵy málimetterdi negizge ala otyryp.

Ahmetjanov Aqjarqyn Turlybaıdyń isi boıynsha úkimge shaǵym túsirilgenin atap ótti.

"Qazaqstan men Qytaı arasynda sottalǵandardy qaıtarý týraly ekijaqty kelisim bar. Biz Qytaıdyń sot tóreliginiń sońǵy sheshimin kútemiz. Eger ony aqtasa, bul óte jaqsy bolady. Eger sottap jiberse, Aqjarqyn da, biz de jazasyn odan ári óz otanynda óteý týraly saýal joldaýǵa quqylymyz", - dedi ol májilis kýlýarynda.

Qazaqstan prezıdenti Qasym-Jomart Toqaev Qytaıǵa saparynda Aqjarqyn Turlybaıdyń máselesin kótergen bolatyn. Prezıdent Beıjińdegi kezdesýlerde Qytaı tarapyna óziniń jeke ótinishin jetkizdi.

Esterińizge sala keteıik, Qazaqstan azamaty Aqjarqyn Turlybaı 2014 jyly naýryzda Gýanchjoý áýejaıynda shekaradan 4,5 keli esirtkini alyp ótpek boldy degen aıyp taǵylyp, ustalǵan bolatyn.

 

"Adyrna" ulttyq portaly

Pikirler
Redakııa tańdaýy