O, JALAǴASh...

129

“Týǵan jer” shyǵarmashylyq baıqaýyna qatysýshylardyń týyndylaryn paraqshamyzǵa jarııalaýdy bastadyq. Kelesi kelip túsken týyndy «Úzdik maqala» atalymy boıynsha Serik Jasulan Kenjebekuly.

 

Baılanys telefony: +7-702-729-33-81

O, Jalaǵash,
Qasıettim, qadirlim,
Bólshegi ediń bólinbeıtin janymnyń.
Myna seniń qursaǵyńnan týǵanym,
Maǵan bergen baqyty ǵoı Táńirdiń.

Ulandaryń baba isin jańǵyrtqan,
Sol sebepti ornyń erek bar jurttan.
Men synbaımyn, topyraqtan sendegi,
Qýat penen nár alǵanmyn, sondyqtan.

Seni somdaý múmkin emes sózbenen,
Sendik álem basqalardan ózge álem.
Málik penen Temirshedeı aqynnyń,
Orny bólek qashannan da ózgeden.

Sensiz álem, sensiz dúnıe tar maǵan,
Bir aqynyń bolaıyn jyr arnaǵan.
Sarman batyr, Buharbaılar kún keshken,
Týǵan elin jaýlarynan qorǵaǵan.

Allasyna adal bolyp máńgilik,
Áýlıeligi jarty álemdi tań qylyp.
Berkimbaıdyń aq batasyn alǵan el,
Dál osylaı gúldenýiń – zańdylyq.

Dán ósirý ejelden-aq arda óner,
Dıhandary mańdaı termen bolǵan er.
Ár jyl saıyn qambalaryń lyq tolyp,
Kúrishińiń yrysyn kór, týǵan el.

Baqshalaryń qustar saırap, án salǵan,
Úr kórkińdi kúlli álemge jar salǵan.
Saǵan kelgen, seni kórgen bar halyq,
Symbatyńa qaıran qalyp tamsanǵan.

Sende ótken ár táýligim shyraıly,
Sol táýlikter ǵumyrymdy quraıdy.
Bilesiń be, kógińdegi bulttar da,
Abatyńdy qyzǵanǵannan jylaıdy.

Júregimdi sendik sezim tonaıdy,
Sol sezimnen boıǵa sáýle taraıdy.
Altyn kúnde saǵan tógip bar nuryn,
Ózińe uzaq tamsanǵannan qaraıdy.

Ónerimen órge júzgen óreni,
Ór urpaǵy qasterlegen kóneni.
Ata-babam izi qalǵan máńgilik,
Topyraǵyńa aýnaı bergim keledi.

Termesine kúlli álem tańqalǵan,
Shaıyrynan naqyl menen án qalǵan.
O, Jalaǵash!
Kindik kesken mekenim,
Sende týǵan mende, aıtshy, bar ma arman!!!

Jasulan SERIK
Qyzylorda oblysy
Jalaǵash aýdany

Pikirler