Qasıetti týǵan jer!

138

“Týǵan jer” shyǵarmashylyq baıqaýyna qatysýshylardyń týyndylaryn paraqshamyzǵa jarııalaýdy bastadyq. Kelesi kelip túsken týyndy «Úzdik maqala» atalymy boıynsha Mamadalıeva Qazna Sýhrapqyzy.

 

Elektrondy pochta: mamadalieva.1993@inbox.ru

Baılanys telefony:  8747-141-45-01

Týǵan jer! Bul sózde tereń maǵyna jatyr. Danyshpan halqymyz:

«Týǵan jer- tuǵyryń

Týǵan til- qydyryń», - -dep teginnen – tegin aıtpaǵan. Ata- babalarymyz kindik qany tamǵan qasıetti jeri úshin qanshama qandy shaıqastardy basynan keshirgeni, tamyry tereńde jatqan tarıhymyz arqyly belgili. Meniń uǵymymsha, týǵan jer, týǵan aýyldan, otbasynan, oshaq qasynan bastalady.

Týǵan jer—qasıtetti de, qasterli uǵym. Onyń qadirin ár adam ózinshe túsinetin bolar. Men úshin ol- dúnıedegi eń uly nárse. Óıtkeni, onda meniń aıalaǵan anam, álpeshtep ósirgen ákem, týǵan – týystarym, dos- jarandarym dúnıege keldi. Meniń týǵan jerim- keń baıtaq Qazaqstan, onyń ishinde aq mamyq maqtaǵa oranǵan- Maqtaaral.

«Óz elin súımegen adam eshnárseni de súıe almaıdy».- deıdi aǵylshynnyń ataqty aqyny Baıron. Týǵan jerdiń tynyshtyǵy úshin batyrlar qasyq qanyn tógip, aqıyq aqyndar jaqut jyrlaryn arnaǵan. Sary altyndaı Saryarqada týyp ósken arqaly aqyn Qasym Amanjolov «Týǵan jer» degen óleńinde bylaısha tebirenedi:

Shyqshy taýǵa , qarashy keń dalaǵa,

Máz bolasyń, uqsaısyń jas balaǵa.

Ol sheti men bul shetine júgirseń.

Sharshaısyń ba, qumaryń bir qana ma?

Netken baıtaq, netken uly jer ediń,

Nendeı kúıge júregimdi bólediń?

Sende týdym, sende óstim, sende ólsem,

Armanym joq bul dúnıede der edim.

Ár adam ózin mápelep ósirgen ata- anasyna qanshalyqty qaryzdar bolsa, týǵan jerin de sonshalyqty qaryzdar. Dana halqymyz

«Árkimniń týǵan jeri- Mysyr shahary» dep beker aıtpaǵan. Áıgili Beıbarys sultan týǵan jerin saǵynyshpen eske alyp, týǵan elinen arnaıy aldyrǵan jýsandy ıiskep, maýqyn basady eken.

Aq altynǵa oranǵan maqtaly ólke Maqtaaralda neshe bir sańlaq ánshiler , kúıshiler aqyn- sazgerler shyqqqan. Atap aıtar bolsam Bóri Isa, Gaýhar Álimbekova, Muhtar Quralov syndy dara tulǵalar Maqtaaral jeriniń kórkeıýine óz úlesterin qosyp keledi. Solardyń bireýine toqtala ketsem Maqtaaral aýdanynyń qurmetti azamaty, Respýblıkamyzdyń maqtashylyq salasyndaǵy belgili ǵalymy Ibadýlla Úmbetaev jaıly sóz qozǵamaqpyn.

Ibadýlla Úmbetaev Maqtaaral aýdanynyń kórkeıýine óz úlesin qosqan azamattardyń biregeıi. Ol maqta sharýashylyǵy salasyna 80 astam ǵylymı eńbekter jarııalaǵan. Maqta sharýashylyǵy týraly ǵylymı maqalalar , tájirıbeler júrgizgen. I. Úmbetaev Elbasy Qazaqstan Respýlıkasynyń alǵashqy Prezıdenti N.Á.Nazarbaevtan «Qazaqstannyń eńbek sińirgen qaıratkeri» qurmetti ataǵymen marapattalǵan jáne Maqtaral aýdanynyń qurmetti azamaty ataǵyna ıe bolǵan.

Men qazir gımnazııa- mektebinde elimizdiń boashaǵy sanalatyn jetkinshekterge tálim- tárbıe beremin. Olardyń boıynda týǵan jerge , týǵan tilge degen súıispenshilik sezimin qalyptastyrý ustazdyq mindetimniń basty paryzy dep sanaımyn. «Rýhanı jaǵynan jańǵyrý» da týǵan elge, jerge qurmetpen qaraýdan bastalady dep oılaımyn.

Pikirler