Qazaq tarıhı jeńiliske ushyraı ma?!

554

Aqorda "polıttehnologtarynyń" eshqandaı da saıası tehnologııasy qalmapty. Shetten shaýyp kelgen balany Áblıazovqa aıtaqtap, ábden talatyp alǵany qyzyq boldy. Onyń osy saıası debatta jeńilip qalatynyn osynda otyrǵan qoǵam aldyn ala bilip te otyr edi. Aqordany aqtap alatyn endi eshqandaı da saıası tulǵa qalmady. Bolmaıdy da. Tutas Aqorda bir Áblıazovqa qashannan beri qarsy turyp, tótep bere almaı tur. Keshegi debatta kórdińizder ǵoı, Áblıazovtyń keltirgen faktileri shegenmen qaqqandaı, nysanany tesip ótip otyrdy. Ózi óte senimdi. Áblıazovtyń bir ǵana kemshiligi bar. Qazaq tilinde tolyq aqparatpen qazaqy qoǵamdy tutas qamtamasyz ete almaı turǵany. Áblıazovtyń qorqyp otyrǵandaı túgi de joq, syr aldyrmady. Aqordanyń polıttehnolog shaldarynyń bir qyzyq túsinigi bar. Bular qazaqy qoǵamdy osy ýaqytqa deıin baıaǵy kammýnıstik ýaqyttaǵy deńgeıde qabyldap otyrǵany. Demek, olardyń sanasy da, saıası oılaý órisi de, zamanaýı polıttehnologııalyq basqarý tájirıbesi de ótken eski ýaqytta qalyp qoıǵan. Olardan alatyn eshqandaı da saıası qundylyqtar qalmady degen sóz. Mundaı adamdar tek qana bıýrokratııa men enzýrany ǵana, túbi anarhııany ǵana kókseıdi. Sebebi, bolmysy da sondaı. Zaman ózgerdi, aqparat degen tasqyn bolyp, tipti, muhıt bolyp aǵyp tur. El-jurt ne oqımyn dese de aldynan shyǵa keledi. Aq pen qara ajyratyldy. Ajyratylmaǵan eshnárse de qalmady. Qoǵamnyń sanasy baıaǵy kammýnıstik sana emes, áldeqaıda ózgergen. Baıaǵy kammýnıstik sanada qalǵan tek Aqordanyń turyndary ǵana. Al, Aqordanyń jas polıttehnologtary kári kósemderdiń yǵynan shyǵa alatyn túri joq. Keshegi debatta Ertisbaevty qazaqy qoǵam bir jaqty shetke teýip shyǵaryp tastady. Tipti qabyldaǵan da joq. Bul da eń sońǵy saıası júristerdiń, jol tabýdyń bir taktıkasy bolatyn. Biraq ótpedi. Sózdiń qorytyndysy bireý ǵana. Aqordanyń qazirgi júrgizip otyrǵan saıası júıesi men saıası tehnologııasy bizdiń qoǵamdy basqarýǵa profıli múldem kelmeıdi. Eger osy júıeniń jumysy jalǵasa berse, Qazaq memleketi úlken tarıhı jeńiliske tap keledi. Dál qazir áýpirimdep kúshtik qurylymdar arqyly ǵana ustap tur. Bul jeńis emes, aýyr jeńilis. Myqty bir kóshbasshy men artynan qoldap shyǵatyn elektorat shyǵa kelse, bular bir kúnde attan aýyp túsip qalaıyn dep tur.

 

Bekbolat QARJAN

Pikirler