Orys mektebi bolmasa qazaq tili damıdy

127

«Qazaqstan» qonaq úıiniń qasynan taksı ustap, máshıne endi uzaı bergen kezde joldyń shetinde turǵan taǵy eki adam qol kóterdi. Jolymyz bir eken, taksıst jigit ekeýin de otyrǵyzyp aldy. Basynda men túsiniksiz tilde sóılesip turǵandaryna qarap qytaılar ma dep qalsam, ózimizdiń duńǵandar bolyp shyqty. Osydan 4-5 jyl buryn Qyrǵyzstanda tóńkeristen keıin tóńkeris bolyp jatqanda, 5-6 úı bolyp Almatyǵa qaraı kóship kelipti. Ózderi bir-bir jerde jumys isteıdi. Aıtpaqshy, bári balalaryn orys mektebine beripti. Qazaqstanǵa kelgen basqa ulttyń ókilderi balalaryn orys mektebine aparyp oqytady. Bizdegi qyrǵyzdardyń balalary da orys mektebinde oqıtynyn estigende, byltyr qatty tańǵalǵam. Sóıtsem, olar balasyn qazaq bolyp ketpes úshin orys mektebine beredi eken. Qyrǵyzdar ǵana emes, elimizdegi basqa dıasporalar da, qazaqtyń ózi de áli kúnge deıin balasyn orys mektebine aparyp oqytady. Qazaqqa ne joq deseńshi! Bizde qazaqtyń tiliniń de, qazaqtyń óziniń de syıy joq. 30 jyl boıy istelgen kertartpa ıdeologııanyń kesiri ǵoı. Oılap qarap otyrsań, orys mektebi - qazaq tiline kedergi keltirip turǵan jalǵyz faktor eken. Orys mektebin jaýyp tastasaq, bári balasyn qazaq mektebine aparyp oqytady da, qoǵamymyz qazaqylana bastaıdy!

 

Jolymbet MÁKISh

"Adyrna" ulttyq portaly

Pikirler