Áýlıeatada Prezıdent Joldaýyn iske asyrý jóninde jıyn ótti

947

Jambylda oblysynda memleket basshysy Qsym-Jomart Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Joldaýyn iske asyrýǵa arnal­­ǵan aktıv jıyny ótti.

Jıyndy aımaq basshysy Asqar Myrzahmetov ashyp, Prezıdent júktegen tapsyrmalarǵa toqtaldy. Asqar Isabekulynan keıin oblys ákiminiń orynbasary Sulýshash Qurmanbekova baıandama jasap, Joldaý júktegen mindetter men talaptar boıynsha óńirde atqarylatyn jumystarǵa toqtaldy

Sulýshash Sátbekqyzynyń aıtýynsha,  halyqpen tıimdi keri baılanys ornatý – eń basty talap bolyp otyr. Sondyqtan da ol aldaǵy ýaqytta memlekettik organdardyń jumysy azamattardyń barlyq syndarly ótinish-tilekterine zańnama sheńberinde jedel ári qaıta qaıyrylmaıtyndaı jaýap berýine baılanysty baǵalanatyndyǵyn aıtty.

«Memleket Basshysy ındýstrııalyq-ınnovaııalyq damý baǵdarlamasy aıasynda ónimdiligi joǵary orta bızneske qoldaý kórsetýdiń keshendi sharalaryn ázirleýdi tapsyrǵan desek, bul baǵyttaǵy eń tıimdi sharalardyń biri – ındýstrııalyq aımaqtar qurý ekendigi sózsiz. Osy oraıda oblystyń Shý aýdanyndaǵy «Taraz Hımııalyq parki» arnaıy ekonomıkalyq aımaǵynyń ınfraqurylym qurylysy aıaqtalýǵa taıaý. Taraz qalasynyń aýmaǵynda respýblıkalyq mańyzy bar ındýstrııalyq aımaq qurý jumystary da qarqyndy.

Búginde óńirde 84 myńnan asa shaǵyn jáne orta kásipkerlik sýbektileri tirkelgen desek, onyń ishindegi jumys jasaıtyndarynyń úlesi 80,3 paıyzǵa jetken. Ol, ótken jyldyń osy kezeńimen salystyrǵanda 11,4 paıyzǵa artyp otyr. Sondaı-aq, «Bıznestiń jol kartasy - 2020» baǵdarlamasy aıasynda aǵymdaǵy jyldyń 8 aıynda 4,5 mıllıard teńgege 290 jańa joba iske asyrylýda – dedi ol.

Osy jyldyń birinshi jartyjyldyǵynda oblystaǵy 32 myńnan astam otbasy ıaǵnı 162 myńnan astam adam ataýly áleýmettik kómek alǵan. Osy oraıda El Prezıdenti áleýmettik baǵyttarǵa – otbasy bıznesin qurýǵa, eń aldymen, kópbalaly jáne jaǵdaıy tómen otbasylarǵa basa mán bere otyryp, bızneske qoldaý kórsetýdiń jańa tásilderin engizý kerektigin tapsyrǵan edi. Bul turǵyda oblysta naqty jospar qurylyp, júrgizilgen jumystardyń alǵashqy nátıjesi de baıqalýda.

«Oblystaǵy 376 eldi mekendegi 138 347 aýla zerdelenip, anketalar toltyryldy. Zerdeleý nátıjesi men turǵyndardyń usynystaryn eskere otyryp, óńir turǵyndarynyń ál-aýqatyn arttyrý jobasynyń tujyrymdamasy ázirlendi. Osy joba aıasynda halyqtyń ómir sapasyn jaqsartýǵa baǵyttalǵan 5 baǵyt tańdalyp otyr. Ol boıynsha jalpy quny 46,4 mıllıard teńge kóleminde 31 myńnan astam jobany iske asyrý kózdelip otyr. Aldyn-ala esepteýlerge sáıkes, osy jobalardyń iske asyrylýymen 90 myńnan astam jumys oryndarynyń qurylýy, óz betinshe jumyspen qamtylǵan jáne jumyssyz 68 myńnan astam adamdy kásipkerlikpen aınalysýǵa beıimdeý, ataýly áleýmettik kómek alýshylardyń sanyn qysqartý, aýyl sharýashylyǵy ónimin 33 paıyzǵa deıin ulǵaıtý, óńdeýshi kásiporyndardyń júktemesin arttyrý kózdelýde. Endigi kezekte aýdan, aýyl ákimderi tıisti basqarmalarmen birlesip osy qarjylardyń aýyl halqyna tıimdi jumys isteýin uıymdastyrýlary tıis»,- dedi Sulýshash Sátbekqyzy.

Elbasynyń «Aýyl – El Besigi» arnaıy jobasy aıasynda 3 aýdannyń ortalyqtarynda 2 mıllıard 77 mıllıon teńgege 108 joba iske asyrylýda. Al, keler jyly 2 mıllıard teńgege 53 jobany júzege asyrý josparlanýda.

Basqosý barysynda jaryssózge jazylǵan birqatar azamattar Joldaý mindetteri men basym baǵyttaryna toqtalyp, máseleler mazmunyn talqylanyp, aldaǵy jumystar jospary saralandy.

 "ADYRNA"

ulttyq portaly

 

Pikirler
Redakııa tańdaýy