Aqjarqyn Turlybaıdyń anasy: Toqaev myrza, qyzyma kómek kerek! (vıdeo)

2302

Qytaıda ustalǵan Aqjarqyn Turlybaıdyń anasy Zýhra Seıtimova Qazaqstan Prezıdenti Qasym-Jomart Toqaevtan kómek surady dep jazady adyrna.kz ulttyq portaly Tengrinews.kz saıtyndaǵy málimetterdi negizge ala otyryp.

Aqjarqyn týraly jazǵan aldynǵy aqparattarda sheshýshi sot 3-qyrkúıek kúni ótetini týraly jáne anasy Zýhra Seıtimovanyń atynan jol puly men vıza ashtyrýǵa 500 myń teńge  kerek dep, buqaradan kómek suraǵan edik. Nátıjesinde halyqtyń tıyndap bolsyn qosqan úlesiniń arqasynda, kerek qarajat jınalyp, anasy qyzymen sot zalynda 15 mınýt  tildesý baqytyna ıe boldy. Alaıda bizden suraǵan qaǵazdy bere almaǵandyqtan, ashyq sottyń sheshimi áli shyǵarylmady.  Qazaqstan ishki ister mınıstrligi de qajetti málimdemeni bermeı otyr.

"Asa qurmetti Prezıdent myrza - Qasym-Jomart Toqaev! 2014 jyly naýryz aıynan bastap meniń qyzym Aqjarqyn Turlybaı Qytaı elinde esirtki kontrabandasymen tasymaldady degen kúdikpen ustaldy. Bes jyldan asa ýaqyttan beri meniń qyzymnyń ústinen sot júrip jatyr. Sodan beri, ómir boıyna bas bostandyǵynan aıyrylsyn degen úkim shyǵaryldy. Odan keıin onyń kúshi joıyldy. Qazir tergeý júrip jatyr. Meniń qyzymnyń tarapynan Qytaı jaǵynan da Qazaqstan jaǵynan da advokattar tegin qyzmet kórsetip jatyr. Olarǵa meniń alǵysym sheksiz. 2015 jyly ARIK uıymy meniń qyzymdy, Aqjarqyn Turlybaıdy nıgerııalyq esirtki mafııalarynyń qurbany bolǵany týraly málimdeme jasady. Alaıda Qazaqstan ishki ister mınıstrligi qajetti málimdeme bermeı otyr. Soǵan qaraı, bizge jumys istemeı jatyr. QR Konstıtýııasynyń 11-baby 2-bóligi boıynsha, elimizdiń azamattary shetelde bolǵanda olardyń quqyǵy qorǵalady delingen. Bul sizge tanys jaǵdaı dep bilem. Sizden ótinip surarymyz, osy meniń qyzymnyń, ol jaqtan shyǵýyna kómek berseńiz. Sizden jalynyp suranamyz. Men, meniń otbasym, ákesi, baýyrlary sizden suraıtynymyz - meniń qyzyma kómektesińizshi. Qyzymnyń jazyǵy joq ekeni keshegi barǵan sotynda dálelder keltirildi. Biraq olar bizden suraǵan qaǵazdy bere almaǵandyqtan, ashyq sottyń sheshimi shyǵarylǵan joq. Soǵan deıin, siz bizge kómektesseńiz eken. Raqmet sizge!", -deıdi Aqjarqyn Turlybaıdyń anasy.

#action=share

 

"Adyrna" ulttyq portaly

 

 

 

 

 

Pikirler
Redakııa tańdaýy