El damýyn aıqyndaıtyn jańa qadam

343

Memleket basshysy Qasym-Jomart Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Qazaqstan halqyna arnaǵan Joldaýy qoǵamnyń qyzý qoldaýyna ıe boldy. Jambyl oblystyq QHA Jambyl oblysy ákimi apparatynyń «Qoǵamdyq kelisim» KMM Joldaýǵa baılanysty jıyn uıymdastyryp, etnos ókilderiniń basyn qosty.

2019 jyldyń qyrkúıek aıy jańa serpinmen bastaý aldy. Jańa parlamenttik maýsymnyń bastalýymen qatar Qazaqstan Respýblıkasynyń Prezıdenti halyqqa «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Joldaýyn joldady.

Memleket basshysy Joldaýda  bes mańyzdy qadamdy tizbektedi. Atap aıtqanda zaman talabyna saı tıimdi memleket; azamattardyń quqyqtary men qaýipsizdigin qamtamasyz etý; qarqyndy damyǵan jáne ınklıýzıvti ekonomıka; áleýmettik jańǵyrýdyń jańa kezeńi;  qýatty óńirler – qýatty el   tarmaqtaryn   taıǵa tańba basqandaı atap kórsetti. Joldaýda kórsetilgen árbir tarmaq óz betinshe halyqtyń jaǵdaıyn, ál-aýhatyn jaqsartýǵa baǵyttalǵan. Solardyń ishinde qazaq tiliniń mártebesin kóterý, tildi odan ári damytý týrasyndaǵy tujyrymy kóńilimizge jylý uıalatqandaı.

Sonymen qatar, Memleket basshysy Q.K Toqaev ulttyń birligi jáne elde etnostyq toptardyń tilderi men mádenıetin damytý úshin jaǵdaı jasalatynyna ýáde berdi. Sondaı-aq, Uly Dalanyń keń baıtaq jeri sheteldikterge satylmaıtynyn aıtty. Bul sheshimi qara halyqtyń kókeıindegi qyjylyn basyp, kóńilin ornyna túsirdi. Ata-babadan qalǵan asyl mura urpaqqa ǵana tıesili emes pe?! «Eńbek etem, egin oram!» degenge jer jetedi, tek sony tıimdi paıdalaný kerektigin de eskertti.

Joldaýdy qoldaý, talqylaý maqsatynda ózim basqaryp otyrǵan  óńirdegi Dostyq úıinde Jambyl oblysy ákimi apparatynyń «Qoǵamdyq kelisim» KMM ujymynyń uıymdastyrýymen etnos ókilderiniń, Analar keńesiniń, jastar qanatynyń  dóńgelek ústelderi ótti. Munda etnos ókilderi Prezıdenttiń Joldaýy týraly oılaryn, jeke tulǵalyq pikirlerin ortaǵa saldy. Qasym-Jomart Kemelulynyń bul joldaýy jasqa da, kárige de tıimdi, jan-jaqty tyń dúnıege toly qujat boldy. Bárinen buryn jastardyń jumylǵan judyryqtaı tize biriktire jumys isteýi meni qýantady. Olarǵa qaraǵan saıyn erteńge senimdiligim artady. Osy oraıda bıylǵy jyldy «Jastar  jyly» dep ataýymyz olarǵa qanat bitirgendeı, memleketimizde jastarǵa degen senimniń ereksheligin sezindirgendeı.

Jalpy el úshin, jer úshin, bolashaq úshin Prezıdenttiń osynaý Joldaýy qoǵamdy qozǵap, kóńilge kúdik uıalatqan, el kókeıinde turǵan  san túrli saýalǵa jaýap boldy. Endi el dańqy artyp, mereıi ústem bola túsedi degen senimdemin. Sebebi, memleket basshysy halyqqa aıtqanyn oryndaýǵa sert etti. Bul naǵyz erdiń isi.

Rano Ýbaıdýllaeva

Jambyl oblysy ákimi apparatynyń

 «Qoǵamdyq kelisim» KMM basshysy

 

Pikirler